IND vs ENG: ટીમ ઈન્ડિયા માટે સ્ટાર ખેલાડીએ કર્યું ડેબ્યૂ, રોહિત શર્માની કેપ્ટનશીપમાં મળી તક
ભારત અને ઈંગ્લેન્ડ વચ્ચે ત્રણ મેચની વનડે શ્રેણી રમાઈ રહી છે. ટીમ ઈન્ડિયાએ આ શ્રેણીની પ્રથમ મેચ જીતી હતી. ટીમ ઈન્ડિયા આ શ્રેણીમાં 1-0થી આગળ છે
IND vs ENG: ભારત અને ઈંગ્લેન્ડ વચ્ચે ત્રણ મેચની વનડે શ્રેણી રમાઈ રહી છે. ટીમ ઈન્ડિયાએ આ શ્રેણીની પ્રથમ મેચ જીતી હતી. ટીમ ઈન્ડિયા આ શ્રેણીમાં 1-0થી આગળ છે. ચેમ્પિયન્સ ટ્રોફી 2025ની તૈયારીઓ માટે આ સીરિઝ ખૂબ જ મહત્વપૂર્ણ માનવામાં આવે છે. આવી સ્થિતિમાં ટીમ ઈન્ડિયા પોતાના તમામ ખેલાડીઓને તૈયાર કરવા માંગે છે. આ સીરીઝની બીજી મેચમાં ટીમ ઈન્ડિયાના એક સ્ટાર ખેલાડીએ વનડેમાં ડેબ્યુ કર્યું છે. આ ખેલાડી બીજું કોઈ નહીં પણ વરુણ ચક્રવર્તી છે. વરુણ ચક્રવર્તીને ટીમ ઈન્ડિયાના ઓલરાઉન્ડર રવિન્દ્ર જાડેજાએ ડેબ્યૂ કેપ આપી હતી.
T20 શ્રેણીમાં કમાલ કરી
વરુણ ચક્રવર્તીએ તાજેતરમાં ઈંગ્લેન્ડ સામે રમાયેલી ટી-20 શ્રેણી દરમિયાન શાનદાર પ્રદર્શન કર્યું હતું. આ જ કારણ છે કે તેને ODI શ્રેણીની શરૂઆત પહેલા જ ટીમ ઈન્ડિયાની ODI ટીમમાં સામેલ કરવામાં આવ્યો હતો. હવે રોહિત શર્માએ પણ તેને ડેબ્યૂ કરવાની તક આપી છે. આવી સ્થિતિમાં ચાહકોને પૂરી આશા છે કે તે વનડે સીરિઝ દરમિયાન પણ કંઈક શાનદાર પ્રદર્શન કરશે. વરુણ ચક્રવર્તીએ ઇંગ્લેન્ડ સામે ટી-20 સિરીઝમાં પાંચ મેચમાં 14 વિકેટ લીધી હતી. તેને તક આપવા માટે કુલદીપ યાદવને આરામ આપવામાં આવ્યો છે. જે ઘણી લાંબી ઈજાના કારણે ટીમ ઈન્ડિયાની બહાર હતો.
ટીમ ઈન્ડિયામાં વધુ એક ફેરફાર
ટીમ ઈન્ડિયાનો સ્ટાર બેટ્સમેન વિરાટ કોહલી પણ આ મેચમાં વાપસી કરી રહ્યો છે. ઈજાના કારણે તે શ્રેણીની પ્રથમ મેચ રમી શક્યો ન હતો. આવી સ્થિતિમાં પ્લેઇંગ 11માં તેના સમાવેશને કારણે વધુ એક ફેરફાર કરવામાં આવ્યો છે. વિરાટ કોહલીની વાપસીને કારણે યશસ્વી જયસ્વાલને પ્લેઈંગ 11માંથી બહાર કરી દેવામાં આવ્યો છે. સિરીઝની પ્રથમ મેચમાં તે માત્ર 15 રન જ બનાવી શક્યો હતો.
ભારતની પ્લેઈંગ ઈલેવન
રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (વિકેટકીપર), હાર્દિક પંડ્યા, અક્ષર પટેલ, રવિન્દ્ર જાડેજા, હર્ષિત રાણા, મોહમ્મદ શમી અને વરુણ ચક્રવર્તી.
ઈંગ્લેન્ડની પ્લેઈંગ ઈલેવન
ફિલ સોલ્ટ (wk), બેન ડકેટ, જો રૂટ, હેરી બ્રુક, જોસ બટલર (c), લિયામ લિવિંગસ્ટોન, જેમી ઓવરટોન, ગુસ એટકિન્સન, આદિલ રશીદ, માર્ક વુડ, સાકિબ મહમૂદ.
ટોપ સ્ટોરી
ટ્રેન્ડિંગ સમાચાર
