રાજસ્થાન સામે અકલ્પનિય હાર થતાં હૈદરાબાદના કેપ્ટન-બોલર રાજસ્થાનના ક્યા ક્રિકેટર સાથે મેદાન પર જ ઝગડી પડ્યા ?

આ મેચમાં તેવટિયા અને પરાગે કરેલી બેટિંગના કારણે હૈદરાબાદનો કેપ્ટન ડેવિડ વોર્નર હતાશ થઈ ગયો હતો.

હૈદરાબાદઃ આઈપીએલની રવિવારે રમાયેલી અત્યંત રોમાંચક મેચમાં રાજસ્થાન રોયલ્સે સનરાઈઝર્સ હૈદરાબાદને રોમાંચક મેચમાં 5 વિકેટથી હાર આપી. રાજસ્થાન રોયલ્સે હારની બાજી જીતમીં ફેરવી નાંખી હતી. રાહુલ તેવતિયા (45*) અને રિયાન પરાગે (42*)છઠ્ઠી વિકેટ માટે 85 રનની અણનમ પાર્ટનરશીપે હૈદરાબાદની પાકી મનાતી જીતને હારમાં ફેરવી નાંખી. આ મેચમાં તેવટિયા અને પરાગે કરેલી બેટિંગના કારણે હૈદરાબાદનો કેપ્ટન ડેવિડ વોર્નર હતાશ થઈ ગયો હતો. હૈદરાબાદના ક્રિકેટરો પણ હતાશ હતા તેથી રાજસ્થાનના તેવતિયા સાથે હૈદરાબાદનો ખલીલ ઝગડી પડ્યો હતો. બંને વચ્ચે દલીલબાજી થઈ હતી. હૈદરાબાદનો કેપ્ટન ડેવિડ વોર્નર ખલીલનો પક્ષ લઈને કૂદતાં તેવતિયા, વોર્નર અને ખલીલ ત્રણેય વચ્ચે ઉગ્ર દલીલબાજી શરૂ થઈ ગઈ હતી. મેદાન પર થયેલો ઝગડો જોઈને લાગતું જ હતું કે. હૈદરાબાદના કેપ્ટન ડેવિડ વોર્નરે હારની હતાશા રાજસ્થાનના રાહુલ તેવતિયા પર કાઢી હતી. તેના કારણે બંને મેદાન પર જ ઝગડી પડ્યા હતા ને બંને વચ્ચે ઉગ્ર દલીલો શરૂ થઈ ગઈ હતી. અંપાયર અને સાથી ખેલાડીઓએ બંનેને દૂર લઈ જવા પડ્યા હતા. આ મેચમાં 15 ઓવર સુધી હૈદરાબાદ આ મેચ જીતી જશે તેવું લાગી રહ્યું હતું, પરંતુ રાહુલ તેવતિયા (45*) અને રિયાન પરાગે (42*) અકલ્પનિય વિજય અપાવ્યો હતો. તેવટિયાને મેદાન પરથી દૂર લઈ જવાયા પછી પણ વોર્નર અંપાયર સાથે આ મુદ્દે દલીલો કર્યા કરતો હતો.