WPL Auction: કાશ્મીરી ક્રિકેટર જાસિયાએ રચ્યો ઇતિહાસ, દિલ્હીની ટીમે આટલી કિંમતમાં ખરીદી

વુમન્સ પ્રીમિયર લીગ (WPL)ની પ્રથમ સિઝન માટે સોમવારે (13 ફેબ્રુઆરી) હરાજીનું આયોજન કરવામાં આવ્યું હતું.

ફાઇલ તસવીર

વુમન્સ પ્રીમિયર લીગ (WPL)ની પ્રથમ સિઝન માટે સોમવારે (13 ફેબ્રુઆરી) હરાજીનું આયોજન કરવામાં આવ્યું હતું. મુંબઈમાં Jio વર્લ્ડ કન્વેન્શન સેન્ટરમાં યોજાયેલી હરાજીમાં ખેલાડીઓ પર પૈસાનો વરસાદ થયો હતો. 30 વિદેશી ખેલાડીઓ સહિત કુલ 87 ખેલાડીઓ પર સફળ બોલી લગાવવામાં આવી હતી. જાસિયા અખ્તરે હરાજીમાં ઈતિહાસ રચ્યો હતો. જાસિયાને દિલ્હી કેપિટલ્સે 20 લાખ રૂપિયાની બોલી સાથે પોતાની ટીમમાં સામેલ કરી હતી. જાસિયા હવે WPLમાં ભાગ લેનારી પ્રથમ કાશ્મીરી ક્રિકેટર બનવા જઈ રહી છે.

Jasia jaisi koi nahi 😁

The #CapitalsUniverse is stoked to have you! #WPL #WPLAuction #YehHaiNayiDilli pic.twitter.com/Ow7CIPuTxj

— Delhi Capitals (@DelhiCapitals) February 13, 2023

 

શોપિયાં જિલ્લાના બ્રારીપોરા ગામની વતની જાસિયા છેલ્લા બે વર્ષથી રાજસ્થાનની ટીમમાં રમી છે. જાસિયાને તાજેતરમાં જ રાજસ્થાન ટીમના કેપ્ટન તરીકે પણ પસંદ કરાઇ હતી. ટોચના ક્રમના બેટ્સમેન પંજાબ, ટ્રેલબ્લેઝર્સ અને ઇન્ડિયા રેડ્સ તરફથી પણ રમી ચૂકી છે. જાસિયાને 2017માં ભારતીય ટીમના રાષ્ટ્રીય શિબિર માટે બોલાવવામાં આવ્યો હતો, પરંતુ તે પ્લેઈંગ ઈલેવનમાં સ્થાન મેળવી શકી ન હતી.

Introducing, our 𝐟𝐢𝐫𝐬𝐭-𝐞𝐯𝐞𝐫 #WPL squad ❤️💙

Which player are you most excited to see in DC colours? 🔥#YehHaiNayiDilli #CapitalsUniverse #WPLAuction pic.twitter.com/WRMD2fscqY

— Delhi Capitals (@DelhiCapitals) February 13, 2023

 

34 વર્ષની જાસિયા અખ્તરને વર્ષ 2019માં પણ મહિલા T20 ચેલેન્જમાં ભાગ લેવાની તક મળી હતી. જાસિયા મિતાલી રાજ, ઝુલન ગોસ્વામી, હરમનપ્રીત કૌર, મિતાલી રાજ, દીપ્તિ શર્મા જેવા સ્ટાર ક્રિકેટરો સાથે રમી ચૂકી છે. તે હરમનપ્રીતની કેપ્ટનશીપમાં પંજાબની ટીમ સાથે બે વર્ષ રમી છે. હવે જાસિયા દિલ્હી કેપિટલ્સ માટે ધમાકેદાર દેખાવ કરવા માંગશે. જાસિયા ઉપરાંત સરલા દેવીનું નામ પણ જમ્મુ અને કાશ્મીરમાંથી હરાજી પૂલમાં હતું, પરંતુ તેને કોઇએ પોતાની ટીમમા સામેલ કરી નહોતી.

હરાજીની વાત કરીએ તો સૌથી વધુ રકમ ઓપનર સ્મૃતિ મંધાના પર ખર્ચવામાં આવી હતી. તેને આરસીબીએ 3.4 કરોડ રૂપિયામાં ખરીદી હતો. એશ્લે ગાર્ડનર અને નેટ સાયવર બ્રન્ટ પર પણ પૈસાનો વરસાદ કરવામાં આવ્યો હતો. બંનેની કિંમત 3.2 કરોડ રૂપિયા સમાન છે. દીપ્તિ શર્મા બીજી સૌથી મોંઘી ભારતીય ખેલાડી હતી, જેને યુપી વોરિયર્સે રૂ. 2.6 કરોડમાં પોતાની ટીમમાં સામેલ કરી હતી. પાકિસ્તાન સામે મેચ વિનિંગ ઇનિંગ્સ રમનાર જેમિમા રોડ્રિગ્ઝને દિલ્હીએ 2 કરોડમાં ખરીદી હતી.