WTC Final 2023: ટીમ ઈન્ડિયાની હાર માટે IPL કેટલી જવાબદાર? સિરાજ-શમી જેવા ખેલાડીઓને નહોતો મળ્યો આરામ

India vs Australia, WTC Final 2023: ICC ટ્રોફી જીતવાનું ભારતીય ટીમનું સપનું ફરી એક વાર અધૂરું રહી ગયું. વર્લ્ડ ટેસ્ટ ચેમ્પિયનશિપ (WTC)ની બીજી આવૃત્તિની અંતિમ મેચમાં તેને 209 રનથી હારનો સામનો કરવો પડ્યો હતો.

( Image Source : BCCI )

Source : BCCI

India vs Australia, WTC Final 2023: ICC ટ્રોફી જીતવાનું ભારતીય ટીમનું સપનું ફરી એક વાર અધૂરું રહી ગયું. વર્લ્ડ ટેસ્ટ ચેમ્પિયનશિપ (WTC)ની બીજી આવૃત્તિની અંતિમ મેચમાં તેને 209 રનથી હારનો સામનો કરવો પડ્યો હતો. ભારતીય ટીમની આ હારનું સૌથી મોટું કારણ તૈયારીઓનો અભાવ હોવાનું કહેવાય છે. જેમાં ટીમના બે મુખ્ય ઝડપી બોલર મોહમ્મદ શમી અને મોહમ્મદ સિરાજને આ મેચ પહેલા આરામ ન મળવાની વાત કહેવામાં આવી રહી છે. જેમાં બંને બોલર IPLની 16મી સિઝનમાં રમ્યા બાદ સીધા આ મેચમાં રમવા આવ્યા હતા.

IPLની 16મી સિઝનમાં મોહમ્મદ શમી અને મોહમ્મદ સિરાજે ઘણી બોલિંગ કરી હતી. બંને ખેલાડીઓ પોતપોતાની ટીમ માટે મુખ્ય બોલરની ભૂમિકા ભજવી રહ્યા હતા. મોહમ્મદ શમીએ ગુજરાત ટાઇટન્સ તરફથી રમતા 17 મેચમાં 65 ઓવર ફેંકી હતી અને મોહમ્મદ સિરાજે 14 મેચમાં 50 ઓવર ફેંકી હતી.

આખી ટૂર્નામેન્ટમાં આટલી બોલિંગ કર્યા પછી, બંને બોલરો ડબલ્યુટીસી ફાઈનલ પહેલા જરૂરી આરામ મેળવી શક્યા ન હતા. તેની અસર તેની બોલિંગ પર પણ જોવા મળી હતી. જેમાં શમીએ આખી મેચમાં લગભગ 45 ઓવર ફેંકી હતી જ્યારે સિરાજે લગભગ 48 ઓવર ફેંકી હતી. સિરાજે IPLની 16મી સિઝનમાં કુલ 19 વિકેટ લીધી હતી જ્યારે શમીએ 28 વિકેટ લીધી હતી.

સિરાજ  તેની બોલિંગથી પ્રભાવિત કર્યા

WTC ફાઇનલમાં, મોહમ્મદ સિરાજે ચોક્કસપણે તેની બોલિંગથી બધાને પ્રભાવિત કર્યા. ઓસ્ટ્રેલિયન ટીમની પ્રથમ ઇનિંગમાં સિરાજે 4 મહત્વની વિકેટ લીધી હતી. જો કે શમી ચોક્કસપણે આ મામલે થોડો પાછળ દેખાયો. IPLની 16મી સિઝનમાં સૌથી વધુ વિકેટ લેનાર મોહમ્મદ શમી આ મહત્વપૂર્ણ મેચમાં કુલ 4 વિકેટ જ લઈ શક્યો હતો.

ટીમ ઈન્ડિયાના બેટ્સમેનો ફ્લોપ

વર્લ્ડ ટેસ્ટ ચેમ્પિયનશિપ (WTC)ની બીજી આવૃત્તિની ફાઈનલ મેચમાં ઓસ્ટ્રેલિયાએ ભારતને 209 રનથી હરાવીને ટાઈટલ જીતી લીધું છે. આ ઐતિહાસિક મેચમાં ભારતીય ટીમને મેચની ચોથી ઇનિંગમાં જીતવા માટે 444 રનનો ટાર્ગેટ મળ્યો હતો. પરંતુ ટીમ ઈન્ડિયા રમતના 5માં દિવસે 234 રન બનાવીને સમેટાઈ ગઈ હતી. ઓસ્ટ્રેલિયા તરફથી આ ઇનિંગમાં નાથન લિયોને 4 જ્યારે સ્કોટ બોલેન્ડે 3 વિકેટ ઝડપી હતી.

ભારતીય ટીમની આશા છેલ્લા દિવસે જ પ્રથમ સેશનમાં જ ખતમ થઈ ગઈ હતી

ફાઈનલ મેચમાં જ્યારે ચોથા દિવસની રમત પૂરી થઈ ત્યારે ભારતીય ટીમે 3 વિકેટના નુકસાને 164 રન બનાવી લીધા હતા. આ પછી, છેલ્લા દિવસે, તેમને જીતવા માટે વધુ 280 રનની જરૂર હતી. પરંતુ 5માં દિવસના પહેલા સેશનમાં ભારતીય ટીમને 179ના સ્કોર પર 2 મોટા ઝટકા લાગ્યા હતા. તેમાં વિરાટ કોહલીની મોટી વિકેટ પણ સામેલ છે. સ્કોટ બોલેન્ડના ઓફ સ્ટમ્પની બહાર જતા બોલ પર કોહલીએ શોટ રમવાનો પ્રયાસ કર્યો હતો. પરંતુ બોલ બેટની બહારની ધારને લઈને સીધો સ્લિપ તરફ ગયો જ્યાં સ્ટીવ સ્મિથે હવામાં ડાઈવિંગ કરીને કેચ લઈને પોતાની ટીમને મોટી સફળતા અપાવી. કોહલી 49 રનની ઇનિંગ રમીને પેવેલિયન પરત ફર્યો હતો. આ પછી બેટિંગ કરવા ઉતરેલા રવીન્દ્ર જાડેજા ખાતું ખોલાવ્યા વગર જ પેવેલિયન પરત ફર્યો હતા. એક જ ઓવરમાં 2 આંચકાને કારણે ભારતીય ટીમ મેચમાં સંપૂર્ણ રીતે બેકફૂટ પર આવી ગઈ હતી. અજિંક્ય રહાણેએ અહીંથી કેએલ ભરત સાથે મળીને સ્કોરને આગળ વધારવાની શરૂઆત કરી હતી. બંને વચ્ચે છઠ્ઠી વિકેટ માટે 33 રનની ભાગીદારી જોવા મળી હતી.