Abhishek Century: અભિષેક શર્માનો કહેર, ટી20માં ફટકારી સૌથી ઝડપી સદી, રાજકોટમાં માર્યા 11 છગ્ગા
Abhishek Sharma Syed Mushtaq Ali Trophy 2024: મેઘાલય દ્વારા આપવામાં આવેલા ટાર્ગેટનો પીછો કરવા આવેલી પંજાબની ટીમે 9.3 ઓવરમાં મેચ જીતી લીધી હતી
Abhishek Sharma Syed Mushtaq Ali Trophy 2024: ભારતના યુવા ક્રિકેટર અભિષેક શર્માએ વર્લ્ડ રેકોર્ડ બનાવી દીધો છે. તેને સૈયદ મુશ્તાક અલી ટ્રૉફી 2024ની મેચમાં ધમાકેદાર પ્રદર્શન કર્યું છે. પંજાબ તરફથી રમતા અભિષેકે માત્ર 28 બોલમાં સદી ફટકારી છે. તેણે રાજકોટમાં મેઘાલય સામે 11 સિક્સર ફટકારી હતી. અભિષેકની આ ઇનિંગના આધારે પંજાબે મેઘાલયને 7 વિકેટે હરાવ્યું હતું. અભિષેકે સૌથી ફાસ્ટેસ્ટ ટી20 સદીનો રેકોર્ડ બનાવ્યો છે.
વાસ્તવમાં મેઘાલયે પ્રથમ બેટિંગ કરીને 142 રન બનાવ્યા હતા. આ દરમિયાન અર્પિતે 31 રનની ઇનિંગ રમી હતી. કેપ્ટન આકાશ ચૌધરી માત્ર 2 રન બનાવીને આઉટ થયો હતો. આ દરમિયાન પંજાબ તરફથી બૉલિંગ કરતા રમનદીપ સિંહે 2 વિકેટ ઝડપી હતી. કેપ્ટન અભિષેક શર્માએ પણ 2 વિકેટ ઝડપી હતી. તેણે ઓલરાઉન્ડરની ભૂમિકા ભજવી હતી. વિકેટ લીધા બાદ અભિષેકે પણ બેટથી કમાલ કરી દીધો અને સદી ફટકારી હતી.
અભિષેકના સદીના દમ પર જીત્યુ પંજાબ
મેઘાલય દ્વારા આપવામાં આવેલા ટાર્ગેટનો પીછો કરવા આવેલી પંજાબની ટીમે 9.3 ઓવરમાં મેચ જીતી લીધી હતી. ઓપનર હરનૂર સિંહ માત્ર 6 રન બનાવીને આઉટ થયો હતો. સલિલ અરોરા 1 રન બનાવીને પેવેલિયન પરત ફર્યો હતો. શોહરાબ ધાલીવાલ 22 રન બનાવીને આઉટ થયો હતો. પરંતુ અભિષેકે પોતાની લીડ જાળવી રાખી હતી. તેણે 29 બોલમાં અણનમ 106 રન બનાવ્યા હતા. આ દરમિયાન તેણે 11 સિક્સર અને 8 ફોર ફટકારી હતી. આ રીતે પંજાબે આ મેચ 7 વિકેટે જીતી લીધી હતી.
અભિષેક બનાવ્યો સૌથી ફાસ્ટેસ્ટ સદીનો રેકોર્ડ
અભિષેક ટી20માં સૌથી ઝડપી સદી ફટકારનારો ભારતીય બેટ્સમેન બની ગયો છે. તેણે માત્ર 28 બોલમાં પોતાની સદી પૂરી કરી હતી. અભિષેકની સાથે સાથે ઉર્વીલ પટેલે પણ આ રેકોર્ડ બનાવ્યો છે. તેને પણ 28 બોલમાં સદી ફટકારી હતી. ઉર્વિલ અને અભિષેક સંયુક્ત રીતે નંબર 1 પર છે. ઉર્વિલ ગુજરાત માટે રમે છે. તેને ત્રિપુરા સામે રેકોર્ડ બ્રેક સદી ફટકારી હતી.
આ પણ વાંચો
આ મુસ્લિમ દેશમાં મહિલાઓના શિક્ષણ લેવા પર રોક, તખલખી નિર્ણય સામે ભડક્યો સ્ટાર ક્રિકેટર, કરી આવી પૉસ્ટ
ટ્રેન્ડિંગ સમાચાર
ટોપ સ્ટોરી
