Blast in Balochistan: પાકિસ્તાનમાં આત્મઘાતી બોંબ વિસ્ફોટ, બસના ઉડી ગયા ફુરચા, 8 સુરક્ષાકર્મીના મોત

Blast in Balochistan: બલૂચિસ્તાન ઈન્સ્પેક્ટર જનરલ ઓફ પોલીસ ઓફિસના જનસંપર્ક અધિકારી રાબિયા તારિકે જણાવ્યું કે, વિસ્ફોટ કેવી રીતે થયો તેની તપાસ કરવામાં આવી રહી છે, પરંતુ સંપૂર્ણ માહિતી તપાસ બાદ જ આપવામાં આવશે.

પાકિસ્તાનમાં આત્મઘાતી હુમલો

Source : Reuters

Blast in Balochistan: શનિવારે સાંજે (4 જાન્યુઆરી, 2025) પાકિસ્તાનના બલૂચિસ્તાનમાં એક ચાલતી બસમાં મોટો વિસ્ફોટ થયો હતો. આ આત્મઘાતી હુમલામાં એક પેસેન્જર વાહન અને પોલીસના વાહનને ટક્કર મારી હતી. ન્યૂઝ એજન્સી IANS અનુસાર બસમાં થયેલા વિસ્ફોટમાં 8 સુરક્ષાકર્મીઓના મોત થયા છે. જ્યારે 40થી વધુ લોકો ઘાયલ થયા છે. ઘાયલોમાં મોટાભાગના યુવાનો છે. આ હુમલાએ અમને ફેબ્રુઆરી 2019માં ભારતમાં પુલવામા હુમલાની યાદ અપાવી. જમ્મુ-કાશ્મીરના પુલવામામાં આતંકવાદીઓએ CRPFના કાફલામાં સામેલ એક વાહનને વિસ્ફોટકોથી ભરેલી કાર સાથે ટક્કર મારી હતી.

 ધ ડોનના અહેવાલ મુજબ બલૂચિસ્તાન લિબરેશન આર્મીએ આ હુમલાની જવાબદારી લીધી છે. બલૂચિસ્તાનના પોલીસ મહાનિરીક્ષક કાર્યાલયના જનસંપર્ક અધિકારી રાબિયા તારિકે જણાવ્યું હતું કે પ્રારંભિક માહિતી અનુસાર, કરાચીથી તુર્બત જઈ રહેલી બસને નવા બહમાન વિસ્તારમાં નિશાન બનાવવામાં આવી હતી.                                           

ક્વેટા એસએસપીનો પરિવાર પણ ઘાયલ થયો છે

રાબિયા તારિકે કહ્યું કે, મોટી સંખ્યામાં સુરક્ષા દળો અને પોલીસ ઘટનાસ્થળે પહોંચી ગયા છે. વિસ્તારને કોર્ડન કરી દેવામાં આવ્યો છે. ખાસ વાત એ છે કે ક્વેટાના વરિષ્ઠ પોલીસ અધિક્ષક (SSP) ઝોહૈબ મોહસીન પણ પોતાના પરિવાર સાથે તુર્બત જઈ રહ્યા હતા અને બ્લાસ્ટમાં ફસાઈ ગયા. બલૂચિસ્તાન સરકારના પ્રવક્તા શાહિદ રિંદે એક નિવેદનમાં જણાવ્યું હતું કે એસએસપી મોહસીન અને તેમના પરિવારના ચાર સભ્યો પણ  ઘાયલ થયા છે.

બલૂચિસ્તાનના મુખ્યમંત્રી મીર સરફરાઝ બુગતીએ શું કહ્યું?

બલૂચિસ્તાનના મુખ્યમંત્રી મીર સરફરાઝ બુગતીએ હુમલાની નિંદા કરી અને કહ્યું કે તેઓ આ હુમલાથી ખૂબ જ દુઃખી છે. તેમણે કહ્યું કે, નિર્દોષ લોકોને નિશાન બનાવનારા લોકો માનવ કહેવાને લાયક નથી. તેમણે કહ્યું કે તેઓ આ ઘટનાથી પ્રભાવિત પરિવારોના દુઃખમાં સહભાગી છે અને ઘાયલોના સ્વસ્થ થવાની પ્રાર્થના કરે છે.