"મેં જસપ્રીત બુમરાહને સ્લોઅર બોલ નાખતા શીખવ્યું છે!" જાણો કયા પાકિસ્તાની બોલરે કર્યો આવો મોટો દાવો

પાકિસ્તાનમાં જન્મેલા અને યુએઈ (UAE) તરફથી રમતા ફાસ્ટ બોલર ઝહૂર ખાને IPL સમયનો એક કિસ્સો શેર કરીને ક્રિકેટ જગતમાં સનસનાટી મચાવી દીધી છે.

JASPRIT BUMRAH

Source : @BCCI / X

Show Quick Read

Key points generated by AI, verified by newsroom

• UAE ના ફાસ્ટ બોલર ઝહૂર ખાને કર્યો દાવો.
• IPL દરમિયાન બુમરાહને શીખવી સ્લોઅર બોલ ટેકનિક.
• નેટ પ્રેક્ટિસમાં બુમરાહે સામેથી માંગી હતી ટીપ્સ.
• ઝહૂરની ગ્રિપ જોઈ બુમરાહ અને બોલિંગ કોચ ચોંક્યા.

જસપ્રીત બુમરાહ આજે દુનિયાના સૌથી ખતરનાક અને શાનદાર બોલર્સમાંથી એક છે, પણ શું તમને ખબર છે કે તેને અસરકારક 'સ્લોઅર બોલ' નાખતા કોણે શીખવ્યું? પાકિસ્તાનમાં જન્મેલા અને હાલ UAE ની ટીમ તરફથી રમતા ફાસ્ટ બોલર ઝહૂર ખાને એક ચોંકાવનારો દાવો કર્યો છે. ઝહૂરનું કહેવું છે કે UAE માં રમાયેલી IPL દરમિયાન મુંબઈ ઈન્ડિયન્સના નેટ સેશનમાં તેણે જ બુમરાહને સ્લોઅર બોલ ફેંકવાની ખાસ ટેકનિક શીખવી હતી. ઝહૂરે બુમરાહ વિશે વાત કરતો જે વિડીયો શેર કર્યો છે, તે હાલ સોશિયલ મીડિયા પર ભારે વાયરલ થઈ રહ્યો છે અને ક્રિકેટ ફેન્સમાં ચર્ચાનો વિષય બન્યો છે.

ક્યારે અને કેવી રીતે બની આ ઘટના?

ઝહૂર ખાનના જણાવ્યા મુજબ, આ ઘટના UAE માં રમાયેલી IPL દરમિયાન બની હતી. વાયરલ વિડીયોમાં એક રસપ્રદ કિસ્સો શેર કરતા ઝહૂરે કહ્યું, "ચાલો હું તમને એક વાત જણાવું. બુમરાહ પહેલા પણ સ્લોઅર બોલ તો નાખતો જ હતો, પરંતુ તેની એક્શન એકદમ સામાન્ય રહેતી હતી. અબુ ધાબીમાં રમાયેલી એક મેચમાં બુમરાહ, ટ્રેન્ટ બોલ્ટ અને નાથન કુલ્ટર-નાઈલને ખૂબ રન પડ્યા હતા. સપ્ટેમ્બર મહિનામાં UAE માં 50 ડિગ્રી જેટલું તાપમાન હોય છે અને રાતના સમયે ઝાકળના કારણે બોલ એટલો ભીનો થઈ જાય છે કે તેને બરાબર પકડવો (ગ્રિપ કરવો) પણ મુશ્કેલ બની જાય છે."

મુંબઈ ઈન્ડિયન્સના કેમ્પમાં એન્ટ્રી

આગળ વાત કરતા ઝહૂરે જણાવ્યું, "મુંબઈ ઈન્ડિયન્સે મને બોલાવ્યો હતો. હું 6 દિવસ ક્વોરેન્ટાઈનમાં રહ્યો અને સાતમા દિવસે ટીમ સાથે પ્રેક્ટિસ માટે ગયો. ઝહીર ખાન અને રોબિન સિંહ મને પહેલાથી જ ઓળખતા હતા કારણ કે મેં T10 લીગમાં એક મેડન ઓવર નાખી હતી. જ્યારે હું ટીમ સાથે બેઠો હતો, ત્યારે બુમરાહ અને રોહિત શર્મા પણ ત્યાં આવીને બેઠા. મેં તેમને મારી એક જ સરખી એક્શન અને ગ્રિપથી સ્લોઅર બોલ નાખવાની ટેકનિક વિશે વાત કરી. બુમરાહને નવાઈ લાગી અને તેણે પૂછ્યું, 'એ કેવી રીતે શક્ય છે?' મેં તેને કહ્યું કે હું તને પ્રેક્ટિસ સેશનમાં બતાવીશ."

નેટ્સમાં બુમરાહે સામેથી માગી ટિપ્સ

ઝહૂરે એ રોમાંચક ક્ષણ વિશે વાત કરતા કહ્યું, "જ્યારે નેટ પ્રેક્ટિસ શરૂ થઈ ત્યારે મુંબઈના બોલિંગ કોચ શેન બોન્ડ અને મહેલા જયવર્દને મારી પાછળ જ ઉભા હતા. મેં ધીમો બાઉન્સર નાખીને બેટ્સમેનને ચકમો આપ્યો. આ જોઈને શેન બોન્ડ પણ ચોંકી ગયા અને મને પૂછ્યું કે, 'તમારી ગ્રિપ કઈ છે? શું તમે ઓફ-કટર નાખો છો?' મેં કહ્યું, 'ના, આ મારી નોર્મલ ગ્રિપ જ છે."

તેણે વધુમાં ઉમેર્યું, "આના એક-બે દિવસ પછી હું બુમરાહ સાથે બોલિંગ કરી રહ્યો હતો. તેણે મને સામેથી કહ્યું, 'પાજી, મને તમારી ગ્રિપ બતાવો.' મેં તેને મારી ગ્રિપ બતાવી; જે બિલકુલ નોર્મલ હતી. બુમરાહે તે ટ્રાય કર્યું અને ખુશ થતા કહ્યું કે આ કંઈક અલગ છે. હું ભલે યુએઈનો ખેલાડી છું અને તે વર્લ્ડ ક્લાસ બોલર છે, પણ મારા માટે એ બહુ ગર્વની અને આનંદની વાત હતી કે દુનિયાનો આટલો મોટો સ્ટાર મારી પાસે આવીને કંઈક પૂછી રહ્યો હતો."

આ પણ વાંચો

વર્લ્ડ કપ જીત્યા બાદ અર્શદીપ સિંહને ફટકારાયો દંડ! ફાઈનલમાં કઈ ભૂલ પડી ભારે?