FIFA World Cup 2022: નેધરલેન્ડે સેનેગલ સામે 2-0થી શાનદાર જીત મેળવી, 3 પોઈન્ટ મેળવ્યા
ફિફા વર્લ્ડ કપ 2022માં નેધરલેન્ડની શરૂઆત શાનદાર રહી છે. ડચ ટીમે સેનેગલ સામે અત્યંત કપરા મુકાબલામાં 2-0થી જીત મેળવી છે. મેચની પ્રથમ 85 મિનિટ સુધી બંને ટીમો એક પણ ગોલ કરવામાં અસમર્થ રહી હતી.
FIFA WC 2022 Qatar: ફિફા વર્લ્ડ કપ 2022માં નેધરલેન્ડની શરૂઆત શાનદાર રહી છે. ડચ ટીમે સેનેગલ સામે અત્યંત કપરા મુકાબલામાં 2-0થી જીત મેળવી છે. મેચની પ્રથમ 85 મિનિટ સુધી બંને ટીમો એક પણ ગોલ કરવામાં અસમર્થ રહી હતી, પરંતુ ત્યારબાદ નેધરલેન્ડે ગોલ કરીને ત્રણ મહત્વપૂર્ણ પોઈન્ટ મેળવ્યા હતા. નેધરલેન્ડને આ મેચમાં ઘણો સંઘર્ષ કરવો પડ્યો હતો, પરંતુ અંતે તેણે પોતાનું વર્ચસ્વ સ્થાપિત કર્યું હતું.
પ્રથમ હાફમાં કોઈને ગોલ મળ્યો ન હતો
સેનેગલે પ્રથમ મિનિટમાં આક્રમણ કર્યુ, પરંતુ તેમનો શોટ બ્લોક કરવામાં આવ્યો હતો. આના પર મળેલી કોર્નર કિક પર પણ સેનેગલ કંઈ કરી શક્યું ન હતું. પ્રથમ 15 મિનિટમાં સેનેગલ તરફથી વધુ પ્રભુત્વ જોવા મળ્યું, જેણે સતત આક્રમણ કર્યો અને ફ્રી-કિક્સ મેળવી. આ પછી નેધરલેન્ડે બે આક્રમણ કર્યા, પરંતુ બંને વખત ગોલની નજીક પહોંચવામાં નિષ્ફળ રહી. 27મી મિનિટે વર્જિલ વેન ડાયકનું હેડર નેધરલેન્ડના ગોલની નજીક આવ્યું હતું, પરંતુ તેનો શોટ લક્ષ્યથી થોડો વાઈડ રહ્યો હતો. પ્રથમ હાફ સમાન રહ્યો હતો જેમાં બંને ટીમોએ સતત પ્રયાસો કર્યા હતા, પરંતુ ગોલ કરી શકી ન હતી.
A winning start for the Netherlands! 🍊@adidasfootball | #FIFAWorldCup
— FIFA World Cup (@FIFAWorldCup) November 21, 2022
બીજા હાફના અંતે નેધરલેન્ડે ગોલ કર્યો
બીજા હાફમાં પણ, લગભગ 40 મિનિટની રમતમાં, બંને ટીમોએ સતત ગોલ કરવાનો પ્રયાસ કર્યો, પરંતુ સફળ થઈ શકી નહીં. નેધરલેન્ડના ગોલકીપરે આ દરમિયાન બે ઉત્તમ સેવ કર્યા, નહીંતર સેનેગલને લીડ મળી ગઈ હોત. નેધરલેન્ડે અંતે 85મી મિનિટે લક્ષ્ય મેળવી લીધું અને મેચમાં લીડ મેળવી લીધી. ફ્રેન્કી ડી જોંગના ક્રોસ પર કોડી ગેપકોએ શાનદાર હેડર વડે ગોલ કર્યો હતો. બીજી જ મિનિટમાં સેનેગલે પણ પોતાનો શ્રેષ્ઠ પ્રયાસ કર્યો, પરંતુ લક્ષ્ય થોડું ચૂકી ગયું.
નિશ્ચિત સમય સમાપ્તિ પછી આઠ મિનિટનો વધારાનો સમય ઉમેરવામાં આવ્યો હતો જેમાં સેનેગલ સ્કોર બરાબરી કરવા નજીક પહોંચી, પરંતુ નેધરલેન્ડે તેમને આમ કરવાથી રોકી શકી હતી. વધારાના સમયની છેલ્લી ઘડીમાં નેધરલેન્ડે કાઉન્ટર એટેકની તક ઊભી કરી હતી. સેનેગલના ગોલકીપર મેન્ડીએ મેનમિસ ડેપેના શોટને રોક્યો હતો, પરંતુ ડેવી ક્લાસને રિબાઉન્ડ પર ગોલ કરીને સેનેગલની જીત સુનિશ્ચિત કરી હતી.