Independence Day: ઓલિમ્પિકમાં ભારતના ગોલ્ડ મેડલ, હોકીના દબદબાથી લઇને નીરજ ચોપરાના ગોલ્ડન થ્રો સુધી

ઓલિમ્પિકમાં ગોલ્ડ મેડલ જીતવો એ કોઈ પણ એથલીટ કે ટીમ માટે સૌથી મોટી વાત હોય છે

ફાઇલ તસવીર

75th Independence Day: ઓલિમ્પિકમાં ગોલ્ડ મેડલ જીતવો એ કોઈ પણ એથલીટ કે ટીમ માટે સૌથી મોટી વાત હોય છે. ઓલિમ્પિકમાં ગોલ્ડ મેડલ જીતવું એ તમામનું સપનું છે. ભારતના સ્ટાર જેવલિન થ્રોઅર નીરજ ચોપરાએ આ સપનું પૂરું કર્યું હતું. નીરજ ચોપરા (Neeraj Chopra) એ ગયા વર્ષે ટોક્યો ઓલિમ્પિકમાં ભાલા ફેંકમાં ગોલ્ડ મેડલ જીત્યો હતો, આમ ઓલિમ્પિકમાં વ્યક્તિગત ઇવેન્ટમાં ગોલ્ડ મેડલ જીતનાર માત્ર બીજો ભારતીય બન્યો હતો. 

ઓલિમ્પિક ગેમ્સની શરૂઆતથી અત્યાર સુધીમાં ભારતે ગેમ્સની આ ભવ્ય ઇવેન્ટમાં કુલ 10 ગોલ્ડ મેડલ જીત્યા છે. ખાસ વાત એ છે કે આ 10 મેડલમાંથી ભારતના માત્ર 2 વ્યક્તિગત ખેલાડીઓએ જ ગોલ્ડ મેડલ જીત્યા છે. આ બંને મેડલ એથ્લેટિક્સ અને શૂટિંગમાં આવ્યા હતા.

ભારતીય પુરુષ હોકી ટીમ - એમ્સ્ટર્ડમ 1928

ભારતીય પુરૂષ હોકી ટીમ 1920 ના દાયકાના અંતથી 1950 ના દાયકા સુધી અજેય રહી હતી. આ ટીમને વિશ્વની શ્રેષ્ઠ ટીમ ગણવામાં આવતી હતી. હોકીમાં ભારતીય ટીમનો દબદબો 1928ના ઓલિમ્પિકથી શરૂ થયો હતો. આ ઓલિમ્પિકમાં ભારતે 29 ગોલ કર્યા છે. જેમાંથી 14 એકલા હોકીના જાદુગર ધ્યાનચંદના નામે હતા. સમગ્ર ટીમના શાનદાર પ્રદર્શનને કારણે ભારતે ઓલિમ્પિકમાં તેનો પ્રથમ ગોલ્ડ મેડલ જીત્યો હતો.

ભારતીય પુરૂષ હોકી ટીમ - લોસ એન્જલસ 1932

લોસ એન્જલસ ગેમ્સમાં માત્ર ત્રણ ટીમોએ ભાગ લીધો હતો. ભારતે યુએસએ અને જાપાન પર પોતાનું વર્ચસ્વ જાળવી રાખીને ઓલિમ્પિક ગેમ્સમાં તેનો બીજો ગોલ્ડ જીત્યો. ભારતીય ટીમે જાપાનને 11-1થી હરાવ્યું. તેણે અમેરિકા પર 24-1થી જીત મેળવી હતી.

ભારતીય પુરુષની હોકી ટીમ - બર્લિન 1936

ધ્યાનચંદના નેતૃત્વમાં ભારતે બર્લિન ઓલિમ્પિકમાં ગોલ્ડ મેડલની હેટ્રિક પૂરી કરી હતી. ટીમે ફાઇનલમાં યજમાન જર્મનીને 8-1થી હરાવ્યું હતું.  ગોલ્ડ મેડલની આ મેચમાં ધ્યાનચંદે 4 ગોલ કર્યા હતા.

ભારતીય પુરુષની હોકી ટીમ - લંડન 1948

આઝાદી મળ્યા પછી પણ હોકી ટીમે પોતાનું વર્ચસ્વ જાળવી રાખ્યું હતું. 1948માં સ્વતંત્ર ભારત તરીકે તેની પ્રથમ ઓલિમ્પિક ગેમ્સમાં ગોલ્ડ મેડલ જીત્યો હતો. કિશન લાલની આગેવાની હેઠળ ભારતે પાંચ મેચમાં 25 ગોલ કર્યા અને વેમ્બલી સ્ટેડિયમમાં ફાઇનલમાં યજમાન ગ્રેટ બ્રિટનને 4-0થી હરાવ્યું હતું.

ભારતીય પુરૂષ હોકી ટીમ - હેલસિંકી 1952

કેપ્ટન કેડી સિંહ બાબા અને વાઈસ-કેપ્ટન બલબીર સિંહ સિનિયરે ભારતને હોકીમાં સતત પાંચમો ગોલ્ડ અપાવ્યો હતો, પરંતુ ફિનલેન્ડની પરિસ્થિતિઓ રમવા માટે બિલકુલ અનુકૂળ ન હતી.

ટીમ પ્રથમ મેચમાં વિદેશી પરિસ્થિતિઓમાં સંઘર્ષ કરી રહી હતી પરંતુ જ્યારે ખેલાડીઓ લયમાં આવ્યા ત્યારે તેઓએ શાનદાર પ્રદર્શન કર્યું. ભારતે સેમિફાઇનલમાં ગ્રેટ બ્રિટનને અને ફાઇનલમાં નેધરલેન્ડને હરાવ્યું હતું. બલબીર સિંહ સિનિયરે ત્રણ મેચમાં નવ ગોલ કર્યા હતા.

ભારતીય પુરૂષ હોકી ટીમ - મેલબોર્ન 1956

ભારતીય ટીમે માત્ર મેલબોર્ન 1956માં તેનો સતત છઠ્ઠો મેડલ જીત્યો ન હતો, પરંતુ તે આ ટુર્નામેન્ટમાં બધી મેચો જીતવામાં સફળ રહી હતી. ભારતે ગ્રૂપ સ્ટેજમાં સિંગાપોર (6-0), અફઘાનિસ્તાન (14-0) અને અમેરિકાને 16-0થી હરાવ્યું હતું. ત્યારબાદ સેમિફાઇનલમાં જર્મનીને (1-0) અને ફાઇનલમાં પાકિસ્તાન (1-0)થી હરાવ્યું હતું.

ભારતીય પુરૂષ હોકી ટીમ - ટોક્યો 1964

વર્ષ 1960માં પાકિસ્તાને ઓલિમ્પિકમાં ભારતીય હોકીના સુવર્ણ યુગને રોકવાનો પ્રયાસ કર્યો પરંતુ 1964માં ભારત ફરી એ જ ટ્રેક પર આવી ગયું હતું. ગ્રુપ સ્ટેજની મેચો દરમિયાન ટીમને જર્મની અને સ્પેન તરફથી સખત સ્પર્ધાનો સામનો કરવો પડ્યો હતો. ગ્રુપ સ્ટેજમાં ભારતે 4 મેચ જીતી હતી અને 2 મેચ ડ્રો રહી હતી. ભારત ફાઇનલમાં પહોંચ્યું હતું અને જ્યાં આ વખતે પણ તેની સામે પાકિસ્તાન હતું. તે ટાઇટલ મેચમાં ભારતે 1-0થી જીત મેળવીને તેનો 7મો ગોલ્ડ જીત્યો હતો.

ભારતીય પુરુષ હોકી ટીમ - મોસ્કો 1980

ભારત 1980 માં મોન્ટ્રીયલમાં ઓલિમ્પિકમાં 7મા સ્થાને રહીને અને 2 બ્રોન્ઝ જીત્યા બાદ ગોલ્ડ સાથે પરત ફર્યું હતું. આ ગેમ્સમાં ભારતે 3 મેચ જીતી અને 2 મેચ ડ્રો કરી અને ફાઇનલમાં જગ્યા બનાવી. મોસ્કોમાં રમાયેલી રોમાંચક ટાઈટલ મેચમાં ભારતે સ્પેનને 4-3થી હરાવીને તેનો આઠમો ગોલ્ડ મેડલ જીત્યો હતો.

પુરુષોની 10 મીટર એર રાઇફલ શૂટિંગમાં અભિનવ બિન્દ્રા - બેઇજિંગ 2008

ભારતે 21મી સદીમાં વ્યક્તિગત રમતગમતમાં મોટી સિદ્ધિ મેળવી છે. ભારતીય ખેલાડીઓએ 2000માં વેઈટલિફ્ટિંગ અને 2004માં શૂટિંગમાં મેડલ જીત્યા હતા, પરંતુ ગોલ્ડ મેડલ હજુ દૂર હતો. પરંતુ અભિનવ બિન્દ્રાએ 2008ના બીજિંગ ઓલિમ્પિકમાં ઈતિહાસ રચ્યો હતો.

જો કે, અભિનવ બિન્દ્રાએ બેઇજિંગ 2008માં વ્યક્તિગત રીતે ગોલ્ડ મેડલ જીતનાર પ્રથમ ભારતીય બનીને ઇતિહાસ રચ્યો હતો.

નીરજ ચોપરા મેન્સ જેવલિન થ્રોમાં - ટોક્યો 2020

નીરજ ચોપરાએ ટ્રેક અને ફિલ્ડ ઈવેન્ટ્સમાં ભારત માટે પ્રથમ ગોલ્ડ મેડલ જીતીને ઈતિહાસ રચ્યો હતો. તેણે ક્વોલિફાઈંગ રાઉન્ડમાં પ્રથમ સ્થાન મેળવ્યું અને અંત સુધી પોતાનું સ્થાન જાળવી રાખ્યું. તેનો સર્વશ્રેષ્ઠ થ્રો 87.58 મીટર કર્યો હતો. આ રીતે તેણે ટોક્યો 2020માં ભારત માટે પ્રથમ ગોલ્ડ જીત્યો હતો.