Champions Trophy: ભારતે જાપાનને હરાવી ફાઈનલમાં બનાવી જગ્યા, 2-0થી શાનદાર જીત મેળવી 

ભારતે જાપાનને 2-0થી હરાવીને મહિલા એશિયન ચેમ્પિયન્સ ટ્રોફીની ફાઇનલમાં જગ્યા બનાવી લીધી છે.

ભારતે જાપાનને હરાવી ફાઈનલમાં બનાવી જગ્યા

Source : તસવીર સોશિયલ મીડિયા

IND vs JAP Bihar Womens Asian Champions Trophy Rajgir: ભારતે જાપાનને 2-0થી હરાવીને મહિલા એશિયન ચેમ્પિયન્સ ટ્રોફીની ફાઇનલમાં જગ્યા બનાવી લીધી છે. હવે ફાઇનલમાં ટીમ ઇન્ડિયાનો સામનો ચીન સાથે થશે જેણે પ્રથમ સેમિફાઇનલમાં મલેશિયાને 3-1થી હરાવ્યું હતું. આ ચેમ્પિયન્સ ટ્રોફી ટૂર્નામેન્ટ રાજગીર, બિહારમાં રમાઈ રહી છે અને ભારત અને ચીન વચ્ચે 20મી નવેમ્બરે ફાઈનલ મેચ રમાશે. જાપાન સામેની રોમાંચક સેમીફાઈનલ મેચમાં નવનીત કૌર અને લાલરેમસિયામીએ છેલ્લા ક્વાર્ટરમાં એક-એક ગોલ કરીને ટીમ ઈન્ડિયાની જીત સુનિશ્ચિત કરી હતી. 

આ સેમિફાઇનલ મેચ એટલી રોમાંચક હતી કે 15 મિનિટના પ્રથમ ત્રણ ક્વાર્ટર ગોલ ન થયા, પરંતુ છેલ્લી 15 મિનિટમાં જાપાનની ટીમ દબાણમાં આવી ગઈ હતી. છેલ્લા ક્વાર્ટરની શરૂઆતના માત્ર 2 મિનિટ બાદ ભારતને પેનલ્ટી સ્ટ્રોક મળ્યો, જેને નવનીત કૌરે ગોલમાં ફેરવીને ટીમ ઈન્ડિયાને 1-0ની સરસાઈ અપાવી. મેચ સમાપ્ત થવામાં માત્ર 4 મિનિટ બાકી હતી, જ્યારે 56મી મિનિટમાં લાલરેમસિયામીએ જાપાની ગોલકીપરને ચકમો આપી દીધો અને ગોલ કરીને ભારતને 2-0ની સરસાઈ અપાવી.

Into the finals! 🇮🇳🔥

Team India continues their unstoppable run in the Bihar Women’s Asian Champions Trophy Rajgir 2024, defeating Japan 2-0 in a thrilling semi-final clash! 🏑💪

Our #BharatKiSherniyaan are now just one step away from lifting the trophy. Bihar, let’s roar even… pic.twitter.com/nlB252mlQE

— Hockey India (@TheHockeyIndia) November 19, 2024

હવે આપણે ચીનનો સામનો કરીશું 

હવે મહિલા એશિયન ચેમ્પિયન્સ ટ્રોફીની ફાઇનલમાં ભારતનો મુકાબલો ચીન સામે થશે. આ મુકાબલો 20 નવેમ્બરે બિહારના રાજગીરમાં થશે. એક તરફ ભારતે જાપાનને 2-0થી હરાવીને ફાઇનલમાં જગ્યા બનાવી છે, જ્યારે ચીને મલેશિયાને 3-1થી હરાવીને ટાઇટલની ટક્કરમાં જગ્યા બનાવી છે.

મહિલા હોકી એશિયન ચેમ્પિયન્સ ટ્રોફીના ઈતિહાસમાં ભારતીય ટીમ પાંચમી વખત ફાઇનલમાં પહોંચી છે અને ટીમ ઈન્ડિયાએ અત્યાર સુધીમાં ત્રણ વખત આ ખિતાબ જીત્યો છે. 2023માં યોજાયેલી ચેમ્પિયન્સ ટ્રોફીમાં ટીમ ઈન્ડિયાએ ફાઇનલમાં જાપાનને 4-0થી હરાવીને ટાઈટલ જીત્યું હતું. ચીનને છેલ્લી ત્રણ વખત ત્રીજા સ્થાનથી સંતોષ માનવો પડ્યો હતો, પરંતુ આ વખતે તે ફાઇનલમાં પ્રવેશવામાં આખરે સફળ રહ્યું છે.