IND vs AUS: સિડનીમાં ટીમ ઈન્ડિયાની 34 રને હાર, રોહિત શર્માની સદી એળે ગઈ

ઓસ્ટ્રેલિયાએ ટોસ જીતી પ્રથમ બેટિંગ કરતાં 50 ઓવરમાં 5 વિકેટના નુકસાન પર 288 રન બનાવ્યા હતા. ઉસ્માન ખ્વાજાએ 59, શોન માર્શે 54 અને પીટર હેન્ડકોમ્બે 73 રનનું યોગદાન આપ્યું હતું. માર્કસ સ્ટોયનિસ 47 રને અણનમ રહ્યો હતો. ભારત તરફથી ભુવનેશ્વર અને કુલદીપે 2-2 વિકેટ લીધી હતી. જાડેજાને એક સફળતા મળી હતી.

સિડની: ભારત અને ઓસ્ટ્રેલિયા વચ્ચેની ત્રણ વનડે મેચોની પ્રથમ વનડેમાં ટીમ ઈન્ડિયાને 34 રને હારનો સામનો કરવો પડ્યો છે. સિડનીમાં રમાયેલી આ વનડેમાં રોહિત શર્માએ શાનદાર 133 રન બનાવ્યા હતા. ઑસ્ટ્રેલિયાએ 289 રનનો લક્ષ્યાંક આપ્યો હતો. તેના જવાબમાં ટીમ ઇન્ડિયા 50 ઓવરમાં 9 વિકેટ ગુમાવી 254 રન જ બનાવી શકી હતી.