INDvNZ: આજે ઈતિહાસ રચવા મેદાનમાં ઉતરશે ટીમ ઈન્ડિયા, જાણો કઈ ચેનલ પરથી કેટલા વાગે થશે લાઇવ ટેલિકાસ્ટ

ઓકલેન્ડઃ ભારત અને ન્યૂઝિલેન્ડ વચ્ચે ત્રણ મેચની T20 શ્રેણી પૈકીની અંતિમ અને નિર્ણાયક મેચ આજે હેમિલ્ટનમાં રમાશે. બંને ટીમો ટી-૨૦ શ્રેણીમાં 1-1થી બરોબરી પર છે અને આજની મેચનું પરીણામ શ્રેણીનો વિજેતા નક્કી કરશે. રોહિત શર્માની આગેવાની હેઠળની ટીમે પ્રથમ મેચ ગુમાવ્યા બાદ વળતો પ્રહાર કરતાં બીજી ટી-૨૦ જીતી લીધી હતી અને આ સાથે ટીમ ઈન્ડિયાએ શ્રેણીમાં બરોબરી મેળવી હતી. ન્યૂઝિલેન્ડમાં વન ડે શ્રેણી જીતી ચૂક્યા બાદ ભારત હવે ટી-૨૦ શ્રેણી કબજે કરવા માટે કમર કસી રહ્યું છે.

મેચનું લાઇવ ટેલિકાસ્ટ સ્ટાર સ્પોર્ટ્સ, ડીડી સ્પોર્ટ્સ પરથી થશે. મેચનું લાઇવ સ્ટ્રિમિંગ હોટસ્ટાર, જિયો ટીવી અને એરટેલ ટીવી પરથી જોઈ શકાશે.