INDvWI: મેચ પહેલા જ થઈ ટીમ ઈન્ડિયાની જાહેરાત, ડેબ્યૂ તૈયારીમાં બે ખેલાડી, જાણો કોને મળ્યું સ્થાન

ભારતે જાહેર કરેલા 12 ખેલાડીઓના નામઃ રોહિત શર્મા, શિખર ધવન, લોકેશ રાહુલ, દિનેશ કાર્તિક, મનીષ પાંડે, રિષભ પંત, કૃણાલ પંડ્યા, યુઝવેન્દ્ર ચહલ, કુલદીપ યાદવ, ભુવનેશ્વર કુમાર, જસપ્રીત બુમરાહ, ખલીલ અહમદ

ટીમમાં દિનેશ કાર્તિક અને રિષભ પંત બંનેને સ્થાન મળ્યું છે. મનીષ પાંડે મિડલ ઓર્ડરમાં મહત્વની જવાબદારી સંભાળશે. લોકેશ રાહુલ ત્રીજા નંબર પર બેટિંગમાં ઉતરશે. ટીમની પ્લેઇંગ ઈલેવન કેવી હશે તે પિચ જોયા બાદ નક્કી કરાશે. ભારતીય ટીમ છેલ્લા ચાર વર્ષથી વેસ્ટ ઈન્ડિઝ સામે ટી20 જીતી શકી નથી.

મેગા મુકાબલા પહેલા ટીમ મેનેજમેન્ટે 12 ખેલાડીઓના નામ જાહેર કરી દીધા છે. પ્રથમ T20માં શ્રેયસ અય્યર, વોશિંગ્ટન સુંદર, ઉમેશ યાદવ અને શાહબાઝ નદીમને બહાર રાખવામાં આવ્યા છે. આ મેચમાં સ્પિન ઓલરાઉન્ડ ગણાતા કૃણાલ પંડ્યા અને ફાસ્ટ બોલર ખલીલ અહમદ તેમનું ડેબ્યૂ કરી શકે છે. ખલીલે વન ડે સીરિઝમાં ઉત્કૃષ્ટ બોલિંગ કરી હતી.

કોલકાતાઃ ભારત અને વેસ્ટ ઈન્ડિઝ વચ્ચે ત્રણ મેચની T20 સીરિઝનો પ્રથમ મુકાબલો રવિવારે કોલકાતાના ઐતિહાસિક ઈડન ગાર્ડન્સમાં રમાશે. ભારતીય ટીમ આ સીરિઝમાં નિયમિત કેપ્ટન વિરાટ કોહલી અને પૂર્વે કેપ્ટન ધોની વગર જ ઉતરી રહી છે. ટીમ ઈન્ડિયાએ શનિવારે કોલકાતામાં જોરદાર પ્રેક્ટિસ કરી હતી.