IPL 2022 DC vs RCB : રોયલ ચેલેન્જર્સ બેંગ્લુરુએ દિલ્હીને 16 રને હરાવ્યું, હેઝલવુડની 3 વિકેટ
IPL 2022: ઈન્ડિયન પ્રીમિયર લીગની 15મી સીઝનમાં ઘમાસાણ યથાવત છે. આઈપીએલ 2022માં આજે શનિવારે બીજી મેચમાં દિલ્લી કેપિટલ્સ અને રોયલ ચેલેન્જર્સ બેંગ્લોર વચ્ચે ટક્કર.
LIVE
Background
IPL 2022: ઈન્ડિયન પ્રીમિયર લીગની 15મી સીઝનમાં ઘમાસાણ યથાવત છે. આઈપીએલ 2022માં આજે શનિવારે બીજી મેચમાં દિલ્લી કેપિટલ્સ અને રોયલ ચેલેન્જર્સ બેંગ્લોર વચ્ચે ટક્કર થશે. બંને ટીમો મુંબઈના વાનખેડે સ્ટેડિયમમાં આમને-સામને હશે.
બેંગ્લોરની ટીમ મજબૂતઃ
આઈપીએલમાં દિલ્હી અને બેંગ્લોર વચ્ચે ટક્કર થશે જેમાં ફાફ ડૂ પ્લેસિસની ટીમનું પલડું ભારે છે. બેંગ્લોર અને દિલ્હી સામે રમાયેલી કુલ મેચોમાંથી ઋષભ પંતની દિલ્હી કેપિટલ્સે ટીમને 10 મેચોમાં જીત મળી છે. જ્યારે રોયલ ચેલેન્જર્સ બેંગ્લોરને 16 મેચોમાં જીત મળી છે.
બેંગ્લુરુએ દિલ્હીને 16 રનથી હરાવ્યું
દિલ્હી કેપિટલ્સ અને રોયલ ચેલેન્જર્સ બેંગ્લુરુના મુકાબલમાં બેંગ્લુરુએ દિલ્હીને 16 રનથી હરાવ્યું છે. બેંગ્લુરુ તરફથી મેક્સવેલ અને દિનેશ કાર્તિેક શાનદાર ઈનિંગ રમી હતી. દિલ્હીની ટીમ 20 ઓવરમાં 7 વિકેટ ગુમાવીને 173 રન બનાવી શકી. બેંગ્લુરુએ જીત માટે 190 રનનો લક્ષ્યાંક આપ્યો હતો. હેઝલવુડે શાનદાર પ્રદર્શન કરતા 3 વિકેટ ઝડપી છે.
દિલ્હી કેપટિલ્સનો સ્કોર 100 રનને પાર
દિલ્હી કેપટિલ્સનો સ્કોર 100 રનને પાર થયો છે. વોર્નર 66 રનની આક્રમક ઈનિંગ રમીને આઉટ થયો હતો. હાલમાં પંત અને માર્શ રમતમાં છે. દિલ્હીની ટીમને જીત માટે 37 બોલમાં 78 રનની જરુર છે.
વોર્નરની આક્રમક ઈનિંગ
દિલ્હી તરફથી ડેવિડ વોર્નરે ખૂબ જ આક્રમક ઈનિંગ રમી છે. વોર્નરે માત્ર 29 બોલમાં અડધી સદી ફટકારી છે. વોર્નર હાલ 50 રન બનાવી રમતમાં છે.
દિલ્હી કેપિટલ્સની ટીમે શાનદાર શરુઆત કરી
રોયલ ચેલેન્જર્સની સામે દિલ્હી કેપિટલ્સની ટીમે શાનદાર શરુઆત કરી છે. દિલ્હીની ટીમે 8 ઓવરમાં 1 વિકેટ ગુમાવીને 70 રન બનાવી લીધા છે. પૃથ્વી શો 16 રન બનાવીને આઉટ થયો હતો.
દિલ્હી કેપિટલ્સને જીત માટે 190 રનનો ટાર્ગેટ
મુંબઈના વાનખેડે સ્ટેડિયમમાં રમાઈ રહેલી IPL 2022ની 27મી મેચમાં રોયલ ચેલેન્જર્સ બેંગ્લોરે પ્રથમ રમત રમીને દિલ્હી કેપિટલ્સને 190 રનનો ટાર્ગેટ આપ્યો હતો. RCB ટીમે ગ્લેન મેક્સવેલની શાનદાર અડધી સદી છતાં 92 રનમાં પાંચ વિકેટ ગુમાવી દીધી હતી. આ પછી દિનેશ કાર્તિકે માત્ર 34 બોલમાં અણનમ 66 રનની તોફાની ઇનિંગ રમી હતી.
ટ્રેન્ડિંગ સમાચાર
ટોપ સ્ટોરી
