લખનૌએ હૈદરાબાદને 5 વિકેટે હરાવ્યું, માર્શ-પૂરને તરખાટ મચાવ્યો, શાર્દુલે 4 વિકેટ લીધી
IPL 2025ની સાતમી મેચ આજે હૈદરાબાદમાં, બંને ટીમો જીત માટે કરશે જોરદાર ટક્કર, સંભવિત ખેલાડીઓ પર એક નજર.
Background
SRH vs LSG live score: IPL 2025 ની સાતમી રોમાંચક મેચ આજે સનરાઇઝર્સ હૈદરાબાદ (SRH) અને લખનૌ સુપર જાયન્ટ્સ (LSG) વચ્ચે રમાશે. આ મુકાબલો હૈદરાબાદના રાજીવ ગાંધી ઇન્ટરનેશનલ સ્ટેડિયમમાં યોજાશે. હૈદરાબાદે પોતાની પ્રથમ મેચમાં રાજસ્થાન રોયલ્સને હરાવીને ટૂર્નામેન્ટમાં શાનદાર શરૂઆત કરી છે, જ્યારે લખનૌને પોતાની પ્રથમ મેચમાં દિલ્હી કેપિટલ્સ સામે એક વિકેટથી હારનો સામનો કરવો પડ્યો હતો.
આજે હૈદરાબાદ પોતાના હોમ ગ્રાઉન્ડ પર રમશે, જેનો તેને ફાયદો મળી શકે છે. ટીમ લખનૌને હરાવીને વિજયની લય જાળવી રાખવા માટે મેદાનમાં ઉતરશે. બીજી તરફ, લખનૌની ટીમ પ્રથમ મેચની હારને ભૂલીને આજે જીત મેળવવા માટે પૂરો જોશ લગાવશે.
હૈદરાબાદની સંભવિત પ્લેઈંગ ઈલેવનની વાત કરીએ તો, ટ્રેવિસ હેડ અને અભિષેક શર્મા ફરી એકવાર ઓપનિંગ જોડી તરીકે જોવા મળી શકે છે. પ્રથમ મેચમાં તોફાની સદી ફટકારનાર ઈશાન કિશન ઈજામાંથી સાજો થઈ ગયો હશે તો તેનું રમવું લગભગ નક્કી છે. મિડલ ઓર્ડરમાં હેનરિક ક્લાસેનનું સ્થાન પાક્કું માનવામાં આવે છે, જ્યારે હર્ષલ પટેલ અને મોહમ્મદ શમી ફાસ્ટ બોલિંગની જવાબદારી સંભાળી શકે છે.
લખનૌ સુપર જાયન્ટ્સે ભલે પોતાની પ્રથમ મેચ ગુમાવી દીધી હોય, પરંતુ ટીમે શાનદાર પ્રદર્શન કર્યું હતું. આ મેચમાં ટીમ પોતાના ઓપનિંગમાં ફેરફાર કરી શકે છે. એડન માર્કરામ અને મિશેલ માર્શને ઓપનિંગ કરવાની તક મળી શકે છે. આ ઉપરાંત અવેશ ખાનને પણ પ્લેઈંગ ઈલેવનમાં સામેલ કરવામાં આવી શકે છે. નિકોલસ પૂરન, ડેવિડ મિલર અને શાર્દુલ ઠાકુરનું ટીમમાં સ્થાન નિશ્ચિત છે.
હૈદરાબાદ અને લખનૌ વચ્ચેની આજની મેચ માટે સંભવિત ખેલાડીઓ:
સનરાઈઝર્સ હૈદરાબાદ (SRH): અભિષેક શર્મા, ટ્રેવિસ હેડ, ઈશાન કિશન, નીતિશ રેડ્ડી, હેનરિક ક્લાસેન (વિકેટકીપર), અનિકેત વર્મા, અભિનવ મનોહર, પેટ કમિન્સ (કેપ્ટન), હર્ષલ પટેલ, એડમ ઝમ્પા, મોહમ્મદ શમી, સિમરજીત સિંહ.
લખનૌ સુપર જાયન્ટ્સ (LSG): એડન માર્કરામ, મિશેલ માર્શ, નિકોલસ પૂરન, આયુષ બદોની, રિષભ પંત (કેપ્ટન/વિકેટકીપર), ડેવિડ મિલર, શાર્દુલ ઠાકુર, શાહબાઝ અહેમદ, રવિ બિશ્નોઈ, દિગ્વેશ રાઠી, અવેશ ખાન, પ્રિન્સ યાદવ.
આજે સાંજે હૈદરાબાદના મેદાન પર બંને ટીમો વચ્ચે જોરદાર મુકાબલો જોવા મળશે. મેચની પળે પળની અપડેટ્સ માટે અમારી સાથે જોડાયેલા રહો.
SRH vs LSG: લખનૌએ હૈદરાબાદને 5 વિકેટે હરાવ્યું
લખનૌ સુપર જાયન્ટ્સે સનરાઈઝર્સ હૈદરાબાદને 5 વિકેટે હરાવ્યું છે. તેણે સિઝનની પ્રથમ જીત નોંધાવી. પ્રથમ બેટિંગ કરતા હૈદરાબાદે 190 રન બનાવ્યા હતા. જવાબમાં લખનૌએ 16.1 ઓવરમાં મેચ જીતી લીધી હતી.
SRH vs LSG Live Score: લખનૌની બીજી વિકેટ પડી, રિષભ પંત આઉટ
સનરાઇઝર્સ હૈદરાબાદે લખનૌને વધુ એક ઝટકો આપ્યો હતો. રિષભ પંત 15 બોલમાં 15 રન બનાવીને આઉટ થયો હતો. હર્ષલ પટેલે તેને પેવેલિયનનો રસ્તો બતાવ્યો હતો. હવે અબ્દુલ સમદ બેટિંગ કરવા આવ્યો છે. લખનૌને જીતવા માટે 27 રનની જરૂર છે.
ટોપ સ્ટોરી
ટ્રેન્ડિંગ સમાચાર
