જમ્મુ એક્સપ્રેસનો તરખાટ, ફરી એકવાર એકલા હાથે ટૉપ ઓર્ડરને કરી દીધુ પેવેલિયન ભેગુ, જાણો
પહેલા બેટિંગ કરવા ઉતરેલી કેકેઆરની ટીમે ફરી એકવાર નિરાશ કર્યા, તેને 20 ઓવરમાં 6 વિકેટ ગુમાવીને 177 રન જ બનાવ્યા હતા.
KKR vs SRH: આઇપીએલમાં ફરી એકવાર ભારતીય યુવાઓ પોતાના પ્રદર્શનથી લોકોનુ ધ્યાન ખેંચી રહ્યાં છે, આ લિસ્ટમાં જમ્મુ એક્સપ્રેસ ઉમરાન મલિકનુ નામ સૌથી વધુ ચર્ચામાં છે. ઉમરાને ગઇકાલે રમાયેલી કોલકત્તા સામેની મેચમાં ફરી એકવાર પોતાના બૉલિંગથી બધાને ચોંકાવ્યા, તેને ગુજરાતની જેમ કોલકત્તાના ટૉપ ઓર્ડરને પણ એકલા હાથે ધરાશાયી કરી દીધો હતો, જોકે મેચ જીતવામાં હૈદરાબાદની ટીમ સફળ ન હતી શકી, અને 54 રનથી હારનો સામનો કરવો પડ્યો હતો.
પહેલા બેટિંગ કરવા ઉતરેલી કેકેઆરની ટીમે ફરી એકવાર નિરાશ કર્યા, તેને 20 ઓવરમાં 6 વિકેટ ગુમાવીને 177 રન જ બનાવ્યા હતા. સેમ બિંલિગ્સ અને આંદ્રે રસેલે ફરી એકવાર શાનદાર બેટિંગ કરીને ટીમને બચાવી હતી.
જોકે, આ મેચમાં જમ્મુ એક્સપ્રેસ ઉમરાન મલિકે 33 રન આપીને 3 વિકેટો ઝડપી, જેના કારણે કેકેઆર મુશ્કેલીમા મુકાઇ ગયુ હતુ. ઉમરાને એકલા હાથે કેકેઆરના ટૉપ આર્ડરને ધરાશાયી કરી દીધો હતો. ઉમરાને ઇનિંગની 8મી ઓરમાં ત્રીજા બૉલ પર નીતિશ રાણાને 26 રને આઉટ કરી દીધો, આ પછી આ જ ઓવરના છેલ્લા બૉલ પર અજિંક્યે રહાણેને 28 રનના અંગત સ્કૉર પર પેવેલિયન મોકલ્યો અને બાદમાં ઉમરાને કેપ્ટન શ્રેયસ અય્યરને પણ માત્ર 15 રન બનાવીને આઉટ કરી દીધો હતો.
KKR vs SRH: કોલકાતાએ હૈદરાબાદને હરાવીને પ્લે ઓફની આશા રાખી જીવંત
KKR vs SRH: પુણેના મહારાષ્ટ્ર ક્રિકેટ એસોસિએશન સ્ટેડિયમમાં રમાયેલી IPL 2022ની 61મી મેચમાં કોલકાતા નાઈટ રાઈડર્સે સનરાઈઝર્સ હૈદરાબાદને 54 રનથી હરાવ્યું છે. KKRની 13 મેચમાં આ છઠ્ઠી જીત છે. આ જીત સાથે કોલકાતાએ પ્લેઓફમાં પહોંચવાની આશા જીવંત રાખી છે.
કોલકાતા નાઈટ રાઈડર્સે પ્રથમ બેટિંગ કરતા 20 ઓવરમાં 6 વિકેટે 177 રન બનાવ્યા હતા. જવાબમાં સનરાઇઝર્સ હૈદરાબાદની ટીમ નિર્ધારિત 20 ઓવરમાં 8 વિકેટે 123 રન જ બનાવી શકી હતી. કોલકાતાની આ જીતનો હીરો આન્દ્રે રસેલ રહ્યો હતો. પ્રથમ બેટિંગમાં રસેલે 28 બોલમાં અણનમ 49 રનની ઇનિંગ રમી હતી. ત્યારબાદ બોલિંગમાં 22 રનમાં ત્રણ વિકેટ ઝડપી હતી.
ટ્રેન્ડિંગ સમાચાર
ટોપ સ્ટોરી
