IPL: મેદાન પર થયેલી બોલાચાલીનો ખાર રાખીને આ ગુજરાતી ક્રિકેટરે મેચ પત્યા પછી હાથ પણ ના મિલાવ્યા, જુઓ વીડિયો

મેચ પુરી થયા પછી જ્યારે બધા એકબીજા સાથે હાથ મિલાવતા હતા ત્યારે પટેલે પરાગને છોડી દીધો હતો. રિયાન પરાગે ખેલદિલીની ભાવનાથી હર્ષલ સામે હાથ મિલાવવા માટે હાથ લંબાવ્યો પરંતુ

(પ્રતિકાત્મક તસવીર)

IPL 2022: ઇન્ડિયન પ્રીમિયર લીગની 15મી સિઝનમાં ગઇકાલે રૉયલ ચેલેન્જર્સ બેંગ્લૉર અને રાજસ્થાન રૉયલ્સ વચ્ચે શાનદાર મેચ જોવા મળી, લૉ સ્કૉરિંગ મેચમાં અંતે આરસીબીની 29 રન હાર થઇ હતી, પરંતુ આ બધાની વચ્ચે એક મોટો ઝઘડો મેદાન પર જોવા મળ્યો. ખરેખરમાં, રાજસ્થાનના રિયાન પરાગે શાનદાર બેટિંગ કરતા આરસીબીના બૉલર હર્ષલ પટેલની ધુલાઇ કરી દીધી તો તે રિયાન પરાગ પર નારાજ થઇ ગયો અને મેદાનમાં જ ઝઘડો કરવા લાગ્યો હતો. જોકે, આ ઝઘડો મેચ બાદ પણ ફરી એકવાર મેદાન પર જોવા મળ્યો હતો. મેચ દરમિયાન હર્ષલ પટેલ અને રિયાન પરાગ વચ્ચે બોલાચાલી થઈ હતી. આ લડાઈની અસર મેચના અંત સુધી રહી હતી. 

મેચ પુરી થયા પછી જ્યારે બધા એકબીજા સાથે હાથ મિલાવતા હતા ત્યારે પટેલે પરાગને છોડી દીધો હતો. રિયાન પરાગે ખેલદિલીની ભાવનાથી હર્ષલ સામે હાથ મિલાવવા માટે હાથ લંબાવ્યો પરંતુ, હર્ષલે મનમાં ગુસ્સો રાખીને રિયાનને અવૉઇડ કર્યો હતો, અને હાથ મિલાવ્યા વિના જ આગળ નીકળી ગયો હતો, આ સમગ્ર દ્રશ્ય રિયાન પરાગ ઉભા ઉભા જોતો જ રહી ગયો હતો. આ રીતે હર્ષલે બીજી વખતે મેચ પુરી થયા બાદ રિયાનનુ તમામ ખેલાડીઓની વચ્ચે અપમાન કર્યુ હતુ. આ ઘટનાનો વીડિયો સોશિયલ મીડિયા પર ખુબ વાયરલ થઈ રહ્યો છે. 

One Young Talent Jealous Of Other.
Very #Unsportive Behaviour From Harshal Patel. Keep Going Riyan Parag @rajasthanroyals @RCBTweets @IPL pic.twitter.com/Sg0Pv2pfSC

— JAYAKRISHNA (@ImJK_117) April 27, 2022

મેચ દરમિયાન આરસીબીની છેલ્લી વિકેટ ત્યારે પડી જ્યારે હર્ષલ પટેલ 20મી ઓવરના ત્રીજા બોલ પર કુલદીપ સેનની બોલ પર રિયાન પરાગના હાથે કેચ આઉટ થયો હતો. દર વખતની જેમ પરાગે આ કેચ અને ટીમની જીતની ઉજવણી પોતાની સ્ટાઈલમાં કરી હતી, જોકે પટેલ તેનાથી ખુબ ગુસ્સે ભરાયો હતો. 

આ પણ વાંચો........