17 દિવસ બાદ કોહલીએ આ રીતે લીધો બદલો, અંગ્રેજ કેપ્ટન રૂટનો તોડ્યો ઘમંડ

રૂટે મેદાન પર ભલે જોશમાં આવીને બેટ ફેંકી દીધું હતું પણ બાદમાં તેને આ હરકતને ખૂબ નીચલી કક્ષાની ગણાવતા અફસોસ વ્યક્ત કર્યો હતો. તેણે કહ્યું હતું કે, આ મારા દ્વારા મેદાન પર કરવામાં આવેલી સૌથી નિરાશાજનક હરકત હતી અને મને તેના માટે ઘણો અફસોસ થયો.

બીજુ કારણ રૂટને આઉટ કર્યા બાદ વિરાટ કોહલી ખૂબ ખુશ થયો. અસલમાં વિરાટે વન-ડે સીરીઝની છેલ્લી મેચમાં રૂટે કરેલી હરકતનો બદલો લીધો. જણાવી દઈએ કે, છેલ્લી વન-ડેમાં રૂટે સેન્ચુરી ફટકારી માઈકની જેમ બેટને જમીન પર છૂટું મૂકી દીધું હતું. આ વાત કોહલી અને ટીમ ઈન્ડિયાને ખૂબ ખરાબ લાગી હતી અને પહેલી જ ટેસ્ટમાં કોહલીને હિસાબ બરાબર કરવાની તક મળી ગઈ. રૂટને આઉટ કર્યા બાદ વિરાટે હવામાં હાથ ઊંચો કરી જમીન પર કંઈક છોડવાનો ઈશારો કર્યો.