IPL: કોલકત્તાએ રાજસ્થાનને 7 વિકેટે હરાવ્યું, પૉઇન્ટ ટેબલમાં બની નંબર-1 ટીમ

આ જીતની સાથે જ કોલકત્તા પૉઇન્ટ ટેબલમાં ટૉપ પર પહોંચી ગયું અને તેને 5 મેચોમાં 3 જીત અને 2 હાર સાથે 6 પૉઇન્ટ મેળવ્યા છે. સનરાઇઝર્સ હૈદરાબાદ બીજા, કિંગ્સ ઇલેવન પંજાબ ત્રીજા અને ચેન્નાઇ સુપર કિંગ્સ ચોથા સ્થાને છે. રૉયલ ચેલેન્જર્સ બેગ્લૉર સૌથી છેલ્લા નંબર પર છે.

જયપુરઃ સવાઇ માનસિંહ સ્ટેડિયમમાં કોલકત્તા નાઇટરાઇડર્સને રાજસ્થાન રૉયલ્સને 7 વિકેટે હરાવીને ટૂર્નામેનટ્ની 5 મેચોમાં 3જી જીત નોંધાવી છે. રાજસ્થાન તરફથી મળેલા 161 રનના ટાર્ગેટને કોલકત્તાએ 18.5 ઓવરમાં ત્રણ વિકેટ ગુમાવીને હાંસલ કરી લીધો હતો. કેપ્ટન દિનેશ કાર્તિક 42 અને નીતિશ રાણા 35 રન બનાવીને નૉટ આઉટ રહ્યાં હતા. રાણાને મેન ઓફ ધ મેચ અવોર્ડ આપવામાં આવ્યો હતો.