શ્રીલંકામાં હવે મેચ ફિક્સિંગ ગુનો ગણાશે, જાણો કેટલા વર્ષની સજાની જોગવાઈ કરાઈ ?

સંસદે 'રમત સંબંધિત ગુનાઓને રોકવા' માટેનું બિલ પસાર કરી દીધુ છે. આ બિલ પાસ થયા પછી શ્રીલંકામાં મેચ ફિક્સિંગને ગુન્હો માનવામાં આવશે.

નવી દિલ્હી:  શ્રીલંકા મેચ ફિક્સિંગથી જોડાયેલા કેસોને ગુન્હાની શ્રેણીમાં લાવનારો પ્રથમ એશિયાઈ દેશ બની ગયો છે. તેમની સંસદે 'રમત સંબંધિત ગુનાઓને રોકવા' માટેનું બિલ પસાર કરી દીધુ છે. આ બિલ પાસ થયા પછી શ્રીલંકામાં મેચ ફિક્સિંગને ગુન્હો માનવામાં આવશે. મેચ ફિક્સિંગ અને ભ્રષ્ટાચારથી જોડાયેલો આ નવો કાયદો બધી જ રમત પર લાગૂ થશે. તાજેતરમાં ICCની એન્ટી કરપ્શન યૂનિટ દ્વારા શ્રીલંકામાં મેચ ફિક્સિંગથી જોડાયેલા કેસની તપાસ કરવામાં આવી હતી. આ તપાસને કારણે આ ખરડો તૈયાર કરવામાં આવ્યો હતો. એક ક્રિકેટ વેબસાઈટના હવાલાથી એ જાણકારી સામે આવી છે કે આ કાયદા હેઠળ જો કોઈ વ્યક્તિ રમત-ગમતના ભ્રષ્ટાચાર માટે દોષી સાબિત થાય છે તો તેને 10 વર્ષની સજા થઈ શકે છે. તે સિવાય તેને મોટો દંડ પણ ચૂકવવો પડશે.