વિના હેલમેટે વેંકેટેશ અય્યરે ગગનચુંબી છગ્ગો ફટકારતા આ ગુજરાતી બૉલર ફફડ્યો, વીડિયો વાયરલ

વેંકેટેશ અય્યરે માત્ર 30 બૉલમાં 53 રનની તોફાની બેટિંગ કરીને ફરી એકવાર બધાના દિલ જીતી લીધા. પરંતુ આ બધાની વચ્ચે અય્યરના છગ્ગાએ બધાનુ ધ્યાન ખેંચ્યુ હતુ.  

Venkatesh_Iyer

MI vs KKR: આઇપીએલ 2021ની 34મી મેચમાં કોલકત્તા નાઇટ રાઇડર્સે મુંબઇ ઇન્ડિયન્સને 7 વિકેટે સજ્જડ હાર આપી. આ મેચમાં વેંકેટેશ અય્યર ફરી એકવાર પોતાની બેટિંગથી બધાને ચોંકાવી દીધા. મુંબઇના બૉલરોને ચારેય બાજુ બરાબરના ધોયા અને ફિફ્ટી ફટકારી ટીમને જીત સુધી લઇ ગયો હતો. વેંકેટેશ અય્યરે માત્ર 30 બૉલમાં 53 રનની તોફાની બેટિંગ કરીને ફરી એકવાર બધાના દિલ જીતી લીધા. પરંતુ આ બધાની વચ્ચે અય્યરના છગ્ગાએ બધાનુ ધ્યાન ખેંચ્યુ હતુ.  

વેંકેટેશ અય્યર એકદમ ફિયરલેસ ક્રિકેટ રમી રહ્યો હતો અને પોતાની આ ઇનિંગમાં તેને ત્રણ ગગનચુંબી છગ્ગા ફટકાર્યા. વેંકેટેશ અય્યર સૌથી ખાસ છગ્ગો તે હતો જે તેને ગુજરાતી બૉલર કૃણાલ પંડ્યાની ઓવરમાં માર્યો હતો. 7મી ઓવરના બીજા બૉલ પર વેંકેટેશ અય્યર વિના હેલમેટે આગળ આવીને કૃણાલની બૉલિંગમાં જોરદાર છગ્ગો ફટકાર્યો, બૉલ સીધો સ્ટેડિયમમાં જ પહોંચી ગયો હતો. આ છગ્ગો જોઇને કૃણાલ પંડ્યા ગભરાઇ ગયો હતો અને તે પણ અય્યરના છગ્ગા પર વિચાર કરવા લાગ્યો હતો.  

 

#VenkateshIyer pic.twitter.com/KSrIO8hwWN

— Prabhat Sharma (@PrabS619) September 23, 2021

વેંકેટેશ અય્યરનો આ છગ્ગો એટલો બધા દમદાર હતો કે તે વાતનો અંદાજ તમે ડગઆઉટમાં બેઠેલા કેકેઆરના તમામ સભ્યો આને જોઇને ઝૂમી ઉઠ્યા હતા. મેચની વાત કરીએ તો કેકેઆરે ટૉસ જીતીને પહેલા બૉલિંગ પસંદ કરી, પ્રથમ બેટિંગ કરવા ઉતરેલી મુંબઇની ટીમની શરૂઆત સારી રહી પરંતુ પાછળથી ધરાશાયી થઇ ગઇ હતી. મુંબઇની ટીમે 20 ઓવર રમીને 6 વિકેટના નુકસાને 155 રન બનાવ્યા હતા. 

મુંબઇ માટે સર્વાધિક 55 રન ક્વિન્ટૉન ડી કૉકે બનાવ્યા, લક્ષ્યનો પીછો કરવા ઉતરેલી કોલક્તા નાઇટ રાઇડર્સે 15.1 ઓવરમાં 3 વિકેટ પર 159 રન બનાવીને મેચ જીતી લીધી હતી. આ જીતની સાથે જ તે આઇપીએલ 2021ના પૉઇન્ટ ટેબલમાં ચોથા નંબર પર પહોંચી ગઇ છે. વળી, ચોથા નંબર પર કાબિલ મુંબઇ ઇન્ડિયન્સ છઠ્ઠા નંબર પર ખસકી ગઇ છે.