Paris Olympics 2024: ભારતે બેડમિન્ટનમાં રચ્યો ઇતિહાસ, ચિરાગ-સાત્વિકની જોડી ક્વાર્ટરફાઇનલમાં પહોંચી

ચિરાગ શેટ્ટી અને સાત્વિકસાઈરાજ રેડ્ડીની ભારતની ટીમે બેડમિન્ટનમાં ઈતિહાસ રચ્યો છે

ફોટોઃ સોશિયલ મીડિયા

Source : ફોટોઃ સોશિયલ મીડિયા

India Badminton at Paris Olympics 2024: ચિરાગ શેટ્ટી અને સાત્વિકસાઈરાજ રેડ્ડીની ભારતની ટીમે બેડમિન્ટનમાં ઈતિહાસ રચ્યો છે. ચિરાગ-સાત્વિકની આ ટીમ પોતાની છેલ્લી મેચ રમ્યા વિના પેરિસ ઓલિમ્પિક 2024ની મેન્સ ડબલ્સની ક્વાર્ટર ફાઇનલમાં પહોંચી ગઈ છે. વાસ્તવમાં ચિરાગ-સાત્વિકની જોડીને ગ્રુપ સીમાં રાખવામાં આવી હતી, જેમાં જર્મનીના માર્ક લેમ્સફેબ અને મારવિન સિડેલની ટીમ પણ સામેલ હતી. કમનસીબે લેમ્સફેબની ઈજાને કારણે જર્મન ટીમ પેરિસ ઓલિમ્પિકમાંથી બહાર થઈ ગઈ છે. તેમના બહાર થયા બાદ ભારતીય ટીમની ક્વાર્ટર ફાઇનલમાં પહોંચવાની તકો પર અસર પડી હતી.

The dynamic duo of Satwik-Chirag have been given a walkover against Germany’s Mark Lamsfuss and Marvin Seidel in the Badminton Men’s Doubles group stage match.

The star pair will next face Indonesia’s Fajar Alfian and Muhammad Rian Ardianto on July 30. pic.twitter.com/8R64liQq3f

— SAI Media (@Media_SAI) July 29, 2024

ભારત માટે સારા સમાચાર એ છે કે બેડમિન્ટન વર્લ્ડ ફેડરેશનના નિયમો ભારત માટે નફાકારક સોદો સાબિત થયા છે. નિયમ કહે છે કે માર્ક લેમ્સફેબ અને મારવિન સિડેલના બહાર ફેંકાયા બાદ તેઓ જે પણ મેચ રમ્યા છે અથવા ગ્રુપ સ્ટેજમાં રમવા જઈ રહ્યા છે તે તમામ મેચોને માન્યતા આપવામાં આવશે નહીં. એટલે કે હવે ગ્રુપ સીમાં માત્ર 3 ટીમો બચી છે. ભારતીય અને ઇન્ડોનેશિયાની ટીમોએ એક-એક મેચ જીતી છે, જ્યારે ફ્રાન્સના લુકાસ કોરવી અને રોનન લબાર તેમની બંને મેચ હારીને ટુર્નામેન્ટમાંથી બહાર થઈ ગયા છે. આથી ભારત અને ઇન્ડોનેશિયાએ ક્વાર્ટર ફાઇનલમાં પ્રવેશ મેળવી લીધો છે.

30મી જૂલાઈના રોજ જોરદાર સ્પર્ધા થશે

ગ્રુપ સીમાં પ્રથમ સ્થાન મેળવવા માટે ભારત અને ઈન્ડોનેશિયા આમને સામને થશે. ચિરાગ શેટ્ટી અને સાત્વિકસાઈરાજ રેડ્ડી મેન્સ ડબલ્સમાં વિશ્વની પાંચમાં નંબરની ટીમ છે, જ્યારે તેઓ 30 જુલાઈના રોજ વિશ્વની ચોથા નંબરની ટીમ ફજર અલ્ફિયાં અને મોહમ્મદ રિયાન એડ્રિયાન્ટો સામે ટકરાશે. વિશ્વની બે ટોપ-5 ટીમો આમને-સામને આવશે અને આ મેચનો વિજેતા નક્કી કરશે કે ગ્રુપ સીમાં કોણ ટોચ પર રહેશે. છેલ્લી ત્રણ મેચમાં ચિરાગ-સાત્વિક આ ઈન્ડોનેશિયાની જોડી સામે દરેક વખતે વિજયી રહ્યા છે.