Tokyo Olympics: રેસલર વિનેશ ફોગાટની ક્વાટર્ટર ફાઇનલમાં હાર, હવે બ્રોન્ઝની આશા
વર્લ્ડ નંબર 1 વિનેશ ફોગાટની કુશ્તીની ક્વાર્ટર ફાઇનલમાં હાર થઈ છે. 53 કિલો વર્ગની કુસ્તી મેચમાં રેસલર હારી ગઈ છે. જોકે, હજુ બ્રોન્ઝ માટેની આશા છે. આ પહેલા ભારતની પુરુષ હોકી ટીમે ઇતિહાસ રચ્યો છે.
Tokyo Olympics : વર્લ્ડ નંબર 1 વિનેશ ફોગાટની કુશ્તીની ક્વાર્ટર ફાઇનલમાં હાર થઈ છે. 53 કિલો વર્ગની કુસ્તી મેચમાં રેસલર હારી ગઈ છે. જોકે, હજુ બ્રોન્ઝ માટેની આશા છે. આ પહેલા ભારતની પુરુષ હોકી ટીમે ઇતિહાસ રચ્યો છે. બ્રોન્ઝ માટેની મેચમાં જર્મનીને 5-4થી હરાવ્યું છે.
ભારતની સ્ટાર મહિલા રસલર વિનેશ ફોગાટે ઓલિમ્પિકના અભિયાનની જીત સાથે શરૂઆત કરી હતી. મહિલાઓના 53 કિલો ફ્રિસ્ટાઇલ કુસ્તીમાં મૈટ પર ઉતરીને વિનેશે સ્વીડનની રેસલર મૈગડેલેના મૈટસનને 7-1થી માત આપી હતી. જોકે, આજે ક્વાર્ટર ફાઇનલમાં તે હારી ગઈ હતી. આજે ક્વાર્ટર ફાઇનલમાં બેલારસની પહેલવાન વેનેસા ક્લાઝિંસક્યા સામે હારી ગઈ હતી.
#TokyoOlympics | Wrestling, Women's 53kg Freestyle, 1/8 Final: Vinesh Phogat loses to Vanesa Kaladzinskaya 9-3
(File pic) pic.twitter.com/KknTKMtn6F — ANI (@ANI) August 5, 2021
ભારતીય હોકી ટીમે જર્મનીને હરાવીને ઈતિહાસ રચી દીધો છે. 41 વર્ષ બાદ ભારતીય હોકી ટીમ મેડલ જીતી છે. આ સાથે જ ટોક્યો ઓલિમ્પિક 2020માં ભારતીય હોકી ટીમે બ્રોન્ઝ મેડલ મેળવ્યો છે. ભારતે જર્મનીને 5-4 થી હરાવ્યું છે.
આ પહેલા ભારતે 1980 માં મોસ્કો ઓલિમ્પિકમાં વાસુદેવન ભાસ્કરણના નેતૃત્વમાં ગોલ્ડ મેડલ જીત્યો હતો. ભારત માટે સિમરનજીત સિંહે બે ગોલ કર્યા, હરમનપ્રીત સિંહ, રૂપિન્દર પાલ સિંહ અને હાર્દિક સિંહે એક -એક ગોલ કર્યો અને આ મેચમાં ટીમની જીતમાં મહત્વની ભૂમિકા ભજવી.
વર્તમાન વર્લ્ડ રેન્કિંગમાં ત્રીજા ક્રમે આવેલા ભારતે આ મેચમાં ખરાબ શરૂઆત કરી હતી અને જર્મનીએ મેચના પ્રથમ મિનિટમાં ગોલ કરીને 0-1ની લીડ મેળવી હતી. જર્મની માટે તૈમુર ઓરુઝે આ ગોલ કર્યો હતો. ભારતને પાંચમી મિનિટે પાછા આવવાની તક મળી પરંતુ રૂપિન્દર પાલ સિંહ પેનલ્ટી કોર્નર કન્વર્ટ કરવામાં નિષ્ફળ રહ્યો. પ્રથમ ક્વાર્ટરના અંત બાદ જર્મનીએ ભારત ઉપર 0-1ની લીડ જાળવી રાખી હતી. જોકે, ભારતના ગોલકીપર શ્રીજેશે આ ક્વાર્ટરમાં કેટલાક શાનદાર બચાવ કર્યા હતા.
ટીમ ઇન્ડિયાએ બીજા ક્વાર્ટરમાં વાપસી કરી હતી
બીજા ક્વાર્ટરની શરૂઆતમાં ભારતે શાનદાર વાપસી કરી અને 17 મી મિનિટે સિમરનજીત સિંહના શાનદાર ફિલ્ડ ગોલથી મેચ 1-1ની બરાબરી પર લાવી દીધી. આ પછી, જર્મનીએ ભારતીય સંરક્ષણ પર દબાણ લાવવાનું શરૂ કર્યું અને બે મિનિટના ગાળામાં બે ગોલ કરીને ભારત પર 1-3ની લીડ મેળવી લીધી. નિકલાસ વેલેને પહેલા જર્મની માટે શાનદાર ફિલ્ડ ગોલ કર્યો અને પછી બેનેડિક્ટ ફાર્કે આ ગોલ કર્યા.
હાર્દિક સિંહે આ મેચમાં 26 મી મિનિટે પેનલ્ટી કોર્નરને કન્વર્ટ કરીને સ્કોર 2-3 કરી દીધો. હરમનપ્રીત સિંહની ડ્રેગ-ફ્લિકને જર્મન ગોલકીપરે રોકી હતી પરંતુ હાર્દિક સિંહે ફરીથી રિબાઉન્ડ પર ગોલ કર્યો હતો. આ પછી, ભારતે ફરી એકવાર શાનદાર વાપસી કરી અને જર્મનીના સંરક્ષણ પર સતત દબાણ રાખ્યું. 28મી મિનિટે તેને બીજો પેનલ્ટી કોર્નર મળ્યો, આ વખતે હરમનપ્રીત સિંહની ડ્રેગ ફ્લિકે ભારતને 3-3થી આગળ કરી દીધું.
ત્રીજા ક્વાર્ટરમાં ટીમ ઇન્ડિયાએ જર્મની પર પ્રભુત્વ જમાવ્યું હતું
ત્રીજા ક્વાર્ટરમાં, ભારતે મેચ પર સંપૂર્ણ રીતે પ્રભુત્વ જમાવ્યું અને જર્મની પર લીડ મેળવી લીધી. ભારતે આ ક્વાર્ટરમાં બે ગોલ કર્યા હતા. રૂપિન્દર પાલ સિંહે 31 મી મિનિટમાં ભારત માટે ચોથો ગોલ કર્યો હતો. રૂપિન્દર પાલ સિંહે પેનલ્ટી સ્ટ્રોક પર આ ગોલ કરીને ટીમને 4-3થી આગળ કરી દીધી હતી. ત્રણ મિનિટ બાદ 34 મી મિનિટે સિમરનજીત સિંહે શાનદાર ફિલ્ડ ગોલ કરીને ભારતને આ મેચમાં 5-3ની લીડ અપાવી હતી.
જર્મની ચોથા ક્વાર્ટરમાં વાપસી કરી
ચોથા ક્વાર્ટરની શરૂઆતથી જર્મનીએ આક્રમક હોકી રમીને ભારત પર દબાણ લાવવાનું શરૂ કર્યું. જર્મનીએ ચોથો ગોલ ફટકારીને ફરી 5-4ના સ્કોર સાથે આ મેચને રોમાંચક વળાંક પર લાવી.
ટ્રેન્ડિંગ સમાચાર
ટોપ સ્ટોરી
