![ABP Premium](https://cdn.abplive.com/imagebank/Premium-ad-Icon.png)
Parul Chaudhary National Record: પારુલ ચૌધરીએ લોસ એન્જલસમાં 3000 મીટર દોડમાં નવો નેશનલ રેકોર્ડ બનાવ્યો
Parul Chaudhary National Record: 27 વર્ષની પારુલ ચૌધરીએ 7 સેકન્ડના અંતરથી સૂર્યા લોગાનાથનનો નેશનલ રેકોર્ડ તોડ્યો.
![Parul Chaudhary National Record: પારુલ ચૌધરીએ લોસ એન્જલસમાં 3000 મીટર દોડમાં નવો નેશનલ રેકોર્ડ બનાવ્યો Parul Chaudhary sets new national record in women's 3000 meter event in Los Angeles Parul Chaudhary National Record: પારુલ ચૌધરીએ લોસ એન્જલસમાં 3000 મીટર દોડમાં નવો નેશનલ રેકોર્ડ બનાવ્યો](https://feeds.abplive.com/onecms/images/uploaded-images/2022/07/03/ebe9d40dba5b73f90c47ea4b7f2559d1_original.jpg?impolicy=abp_cdn&imwidth=1200&height=675)
Parul Chaudhary National Record: ઓલિમ્પિક ચેમ્પિયન જેવલિન થ્રોઅર નીરજ ચોપરા (Neeraj Chopra) બાદ હવે ભારતની દીકરી પારુલ ચૌધરી (Parul Chaudhary)એ વિદેશમાં દેશનું માન વધાર્યું છે. ભારતની સ્ટાર ટ્રેક એથ્લેટ પારુલ ચૌધરીએ 2 જુલાઈ, 2022ની રાત્રે યુ.એસ.માં સાઉન્ડ રનિંગ સનસેટ ટૂર-1 (Sound Running Sunset Tour1)માં 3000 મીટરની દોડમાં બ્રોન્ઝ મેડલ (bronze medal) જીત્યો હતો.
9 મિનિટથી ઓછા સમય સુધી ક્લોક કરનાર દેશની પ્રથમ એથ્લેટ બની
આ ઇવેન્ટ કેલિફોર્નિયા (California)ના ડાઉનટાઉન લોસ એન્જલસના જેક કેમ્પ સ્ટેડિયમ (Jack Kemp Stadium)માં રમાઈ હતી. પારુલ ચૌધરીએ 8:57:19 મિનિટમાં 3000 મીટરનું અંતર કાપ્યું અને નેશનલ રેકોર્ડ પણ તોડ્યો (Parul Chaudhary National Record). તે મહિલાઓની 3000 મીટર સ્પર્ધામાં 9 મિનિટથી ઓછા સમય સુધી ક્લોક કરનાર દેશની પ્રથમ એથ્લેટ બની હતી.
મહિલાઓની 3000 મીટર સ્ટીપલચેસમાં પારુલ ચૌધરી બે લેપ પછી પાંચમા સ્થાને દોડી રહી હતી, પરંતુ પછી તેણે અદભૂત પુનરાગમન કર્યું અને નેશનલ રેકોર્ડ તોડ્યો એટલું જ નહીં, પરંતુ પોડિયમ પર ત્રીજું સ્થાન પણ મેળવ્યું.
View this post on Instagram
પારુલ ચૌધરીએ સૂર્યા લોગાનાથનનો નેશનલ રેકોર્ડ તોડ્યો
27 વર્ષની પારુલ ચૌધરીએ 7 સેકન્ડના અંતરથી સૂર્યા લોગાનાથનનો નેશનલ રેકોર્ડ તોડ્યો. તામિલનાડુના પુડ્ડુકોટ્ટાઈમાં 7 જુલાઈ 1990ના રોજ જન્મેલા સૂર્ય લોગાનાથને એપ્રિલ 2016માં નવી દિલ્હીમાં 9:04.5 મિનિટના સમય સાથે રાષ્ટ્રીય રેકોર્ડ બનાવ્યો હતો.
ટોક્યો ઓલિમ્પિક માટે ક્વોલિફાય થવામાં થોડા અંતરથી ચૂકી હતી
મેરઠના દૌરાલાના ઇકલોટા ગામની રહેવાસી પારુલ ચૌધરી ટોક્યો ઓલિમ્પિક માટે ક્વોલિફાય થવામાં થોડા અંતરથી ચૂકી ગઈ હતી. જોકે, ખેડૂત પરિવારમાં જન્મેલી પારુલ ચૌધરીએ એશિયન ગેમ્સ માટે ક્વોલિફાય કર્યું હતું. ચીનના હાંગઝોઉ શહેરમાં આ વર્ષે 10 થી 25 સપ્ટેમ્બર દરમિયાન એશિયન ગેમ્સ યોજાવાની હતી, પરંતુ કોરોના વાયરસના વધતા પ્રકોપને કારણે તેને મોકૂફ રાખવામાં આવી છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)