![ABP Premium](https://cdn.abplive.com/imagebank/Premium-ad-Icon.png)
BCCIએ છેલ્લા છ મહિનામાં ધારદાર પ્રદર્શન કરનારા કયા ખેલાડીને એકાએક ગ્રેડ એમાં કરી દીધો સામેલ, હવે કેટલા કરોડ મળશે, જાણો વિગતે
બીસીસીઆઇએ (BCCI) આ વર્ષે પણ કૉન્ટ્રાક્ટ લિસ્ટમાં સામેલ ખેલાડીઓને ગ્રેડ એ પ્લસ, ગ્રેડ એ, ગ્રેડ બી અને ગ્રેડ સી કેટેગરીમાં વહેંચ્યા છે. ગ્રેડ એ પ્લસ ખેલાડીઓને સાત કરોડ રૂપિયા, ગ્રેડ એ ખેલાડીઓને પાંચ કરોડ રૂપિયા, ગ્રેડ બી ખેલાડીઓને ત્રણ કરોડ રૂપિયા અને ગ્રેડ સી ખેલાડીઓ માટે એક કરોડ રૂપિયા નક્કી કરવામાં આવ્યા છે.
![BCCIએ છેલ્લા છ મહિનામાં ધારદાર પ્રદર્શન કરનારા કયા ખેલાડીને એકાએક ગ્રેડ એમાં કરી દીધો સામેલ, હવે કેટલા કરોડ મળશે, જાણો વિગતે rishabh pant promoted to grade a by bcci contract list BCCIએ છેલ્લા છ મહિનામાં ધારદાર પ્રદર્શન કરનારા કયા ખેલાડીને એકાએક ગ્રેડ એમાં કરી દીધો સામેલ, હવે કેટલા કરોડ મળશે, જાણો વિગતે](https://feeds.abplive.com/onecms/images/uploaded-images/2021/04/16/69c4e3d64c8b4cae80cbeec014d7dd59_original.jpg?impolicy=abp_cdn&imwidth=1200&height=675)
નવી દિલ્હીઃ ભારતીય ક્રિકેટ કન્ટ્રૉલ બોર્ડે (BCCI) ઓક્ટોબર 2020થી સપ્ટેમ્બર 2021 સુધી ટીમ ઇન્ડિયાના (Team India) ખેલાડીઓનુ કૉન્ટ્રાક્ટ લિસ્ટ (Contract List) જાહેર કરી દીધુ છે. નવા કૉન્ટ્રાક્ટ લિસ્ટમાં સૌથી મોટો ફાયદો છેલ્લા છ મહિનામાં શાનદાર પ્રદર્શન કરનારા વિકેટકીપર બેટ્સમેન ઋષભ પંતને (Rishabh Pant) થયો છે. લગભગ ત્રણેય ફોર્મેટમાં ટીમ ઇન્ડિયામાં (Indian Team) પોતાની જગ્યા પાક્કી કરી ચૂકેલા ઋષભ પંતને એ ગ્રેડમાં (Grade A) પ્રમૉટ કરવામાં આવ્યો છે. ઋષભ પંત છેલ્લા કેટલાક સમયથી ટીમ ઇન્ડિયા તરફથી વનડે, ટી20 અને ટેસ્ટમાં શાનદાર પ્રદર્શન કરી રહ્યો છે.
બીસીસીઆઇએ (BCCI) આ વર્ષે પણ કૉન્ટ્રાક્ટ લિસ્ટમાં સામેલ ખેલાડીઓને ગ્રેડ એ પ્લસ, ગ્રેડ એ, ગ્રેડ બી અને ગ્રેડ સી કેટેગરીમાં વહેંચ્યા છે. ગ્રેડ એ પ્લસ ખેલાડીઓને સાત કરોડ રૂપિયા, ગ્રેડ એ ખેલાડીઓને પાંચ કરોડ રૂપિયા, ગ્રેડ બી ખેલાડીઓને ત્રણ કરોડ રૂપિયા અને ગ્રેડ સી ખેલાડીઓ માટે એક કરોડ રૂપિયા નક્કી કરવામાં આવ્યા છે.
ગ્રેડ એ પ્લસમાં કોહલી, રોહિત શર્મા, અને ફાસ્ટ બૉલર જસપ્રીત બુમરાહ સામેલ છે. છેલ્લા બે વર્ષથી આ ત્રણેય ખેલાડીઓ ગ્રેડ એનો ભાગ બનેલા છે. આ ત્રણેય ખેલાડીઓને બીસીસીઆઇ તરફથી દર વર્ષે 7 કરોડ રૂપિયા આપવામાં આવે છે.
ગ્રેડ એમાં સામેલ છે 10 ખેલાડીઓ....
ગ્રેડ એમાં કુલ 10 ખેલાડીઓને સામેલ કરવામાં આવ્યા છે, જેમાં રવિચંદ્રન અશ્વિન, રવિન્દ્ર જાડેજા, ચેતેશ્વર પુજારા, ભારતીય ટેસ્ટ ટીમના ઉપકેપ્ટન અજિંક્યે રહાણે, શિખર ધવન, લોકેશ રાહુલ, મોહમ્મદ શમી, ઇશાન્ત શર્મા, ઋષભ પંત અને હાર્દિક પંડ્યાના નામ સામેલ છે. ગ્રેડ એ ગ્રેડમાં સામેલ ખેલાડીઓને પાંચ કરોડ રૂપિયા મળશે.
ગ્રેડ બીમાં રિદ્ધિમાન સાહા, ઉમેશ યાદવ, ભુવનેશ્વર કુમાર, શાર્દૂલ ઠાકુર અને મયંક અગ્રવાલને સામેલ કરવામાં આવ્યા છે, જ્યારે ગ્રેડ સીમાં કુલદીપ યાદવ, નવદીપ સૈની, દીપક ચાહર, શુભમન ગીલ, હનુમા વિહારી, અક્ષર પટેલ, શ્રેયસ અય્યર, વૉશિંગટન સુંદર, યુવજેન્દ્ર ચહલ, મોહમ્મદ સિરાજનુ નામ સામેલ છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)