સચિને પોતાના ગુરુ આચરેકરની પુણ્યતિથિ પર કર્યું ઇમોશનલ ટ્વિટ

વિનોદ કાંબલીએ પણ પુણ્યતિથિ પર કોચ આચરેકરને યાદ કરીને ટ્વિટ કર્યું હતું. આચરેકરનું નિધન 2 જાન્યુઆરી 2019ના રોજ 87 વર્ષની ઉંમરે થયું હતું.

નવી દિલ્હી: મહાન બેટ્સમેન સચિન તેડુંલકરના ગુરુ રમાકાંત આચરેકરની ગુરુવારે પ્રથમ પુણ્યતીથી હતી. માસ્ટર બ્લાસ્ટર સચિન તેડુંલકરે તેમની પુણ્યતિથિ પર પોતાના ગુરુ સાથેનો એક જૂનો ફોટો પોસ્ટ કરીને તેમને યાદ કર્યા અને શ્રદ્ધાંજલી અર્પિત કરી હતી. આચરેકરનું 2 જાન્યુઆરી 2019ના રોજ 87 વર્ષની ઉંમરે નિધન થયું હતું. પોતાના ગુરુજીની પુણ્યતિથિ પર સચિને ભાવનાત્મક સંદેશ લખ્યો હતો. માસ્ટર બ્લાસ્ટરે ફોટો પોસ્ટ કરીને મરાઠી ભાષામાં ભાવનાત્મક સંદેશમાં લખ્યું કે, આપ હંમેશા અમારા દિલમાં રહેશો, આચરેકર સર! સચિને આ સંદેશનું અંગ્રેજીમાં પણ ટ્રાન્સલેશન કરીને પોસ્ટ કરી છે.

तुमच्या आठवणी आमच्या मनात सदैव राहतील, आचरेकर सर. You will continue to remain in our hearts, Achrekar Sir! pic.twitter.com/IFN0Z6EtAz

— Sachin Tendulkar (@sachin_rt) January 2, 2020

સચિન સિવાય વિનોદ કાંબલી, પ્રવીણ આમરે અને ચંદ્રકાંત પંડિત જેવા દિગ્ગજ ક્રિકેટરોએ પણ આચરેકર પાસેથી કોચિંગ લીધી હતી. વિનોદ કાંબલીએ પણ પુણ્યતિથિ પર કોચ આચરેકરને યાદ કરીને ટ્વિટ કર્યું કે, કોઈ પણ માર્ગદર્શક તમારા જેવા હોઈ શકે નહીં કારણ કે તમે ન માત્ર અમે સારી ક્રિકેટ રમતા શિખવાડ્યા પરંતુ જિંદગીના પાઠ પણ ભણાવ્યા. હું આપને ખુબજ યાદ કરુ છું, આચરેકર સર.

No Mentor can ever be as incredible as you are because you did not only teach me to play cricket 🏏 in the best way possible but you also taught me real life lessons. I miss you a lot, Achrekar Sir! pic.twitter.com/UVXKhZZEUo

— VINOD KAMBLI (@vinodkambli349) January 2, 2020

ઉલ્લેખનીય છે કે, કોચ આચરેકરને રમતમાં વિશિષ્ઠ યોગદાન માટે વર્ષ 2010 માં પદ્મશ્રી અને દ્રોણાચાર્ય પુરસ્કારથી સન્માનિત કરવામાં આવ્યા હતા.