તાલિબાન વિરુદ્ધ દુનિયા સામે મદદ માંગવી ક્રિકેટર રાશીદ ખાનને પડી ભારે, હવે મળશે આ સજા, જાણો વિગતે
અફઘાનિસ્તાનના સ્ટાર સ્પિનર રાશિદ ખાન હાલમાં ઇંગ્લેન્ડમાં છે અને ત્યાં ધ હન્ડ્રેડ લીગમાં રમી રહ્યો છે, અહીં તે ટ્રેન્ટ રૉકેટ્સ (Trent Rockets )ની ટીમ તરફથી રમી રહ્યો છે.
કાબુલઃ ક્રિકેટની દુનિયામાં કરિશ્માઇ સ્પિનર તરીકે જાણીતા અફઘાનિસ્તાનના ક્રિકેટર રાશિદ ખાન મુશ્કેલીમાં ફસાયો છે. રાશિદ ખાને થોડાક દિવસો પહેલા એક ભાવુક પૉસ્ટ લખી હતી, જે પોતાના દેશ અફઘાનિસ્તાનમાં તાલિબાની રાજ વિરુદ્ધની હતી અને તેમાં વિદેશોના નેતાઓ પાસે મદદ માંગી હતી. તેને દુનિયાભરના નેતાઓને અફઘાનિસ્તાનને બચાવવા માટે મદદની અપીલ કરી હતી. પરંતુ હવે તેને આ કામની સજા મળી શકે છે. રિપોર્ટ છે કે, તેને સજા રૂપે હવે અફઘાનિસ્તાન ક્રિકેટ ટીમના કેપ્ટન પદેથી હટાવવામાં આવી શકે છે.
ઉલ્લેખનીય છે કે, અફઘાનિસ્તાનમાં હાલ તનાણપૂર્ણ સ્થિતિ છે. તાલિબાને પોતાના શાસની જાહેરાત કરી દીધી છે, અને દેશના દરેક ખુણામાં તાલિબાન રાજ અસ્તિત્વમા આવી ચૂક્યુ છે. આ વાતને લઇને સ્પિનર રાશિદ ખાન ખુબ ચિંતિત છે. તેને થોડાક સમય બાદ એક ભાવુક પૉસ્ટ કરીને ચિંતા વ્યક્ત કરી હતી.
અફઘાનિસ્તાનના સ્ટાર સ્પિનર રાશિદ ખાન હાલમાં ઇંગ્લેન્ડમાં છે અને ત્યાં ધ હન્ડ્રેડ લીગમાં રમી રહ્યો છે, અહીં તે ટ્રેન્ટ રૉકેટ્સ (Trent Rockets )ની ટીમ તરફથી રમી રહ્યો છે.
રાશિદ ખાને ટ્વીટ કરીને લખ્યુ હતુ- દુનિયાભરના પ્રિય નેતાઓ. મારો દેશ સંકટમાં છે. પ્રતિદિવસ મહિલાઓ અને બાળકો સહિત હજારો લોકો મરી રહ્યાં છે. ઘરો અને સંપતિઓ બરબાદ કરવામાં આવી રહી છે. લોકોને પોતાના ઘર છોડીને જવા માટે મજબૂર કરવામાં આવી રહ્યાં છે. આ મુશ્કેલ સ્થિતિમાં અમને એકલા ના છોડો. અફઘાનિસ્તાન અને અહીંના લોકોને બરબાદ થતાં બચાવી લો. અમે શાંતિ ઇચ્છીએ છીએ.
Dear World Leaders! My country is in chaos,thousand of innocent people, including children & women, get martyred everyday, houses & properties being destructed.Thousand families displaced..
— Rashid Khan (@rashidkhan_19) August 10, 2021
Don’t leave us in chaos. Stop killing Afghans & destroying Afghaniatan🇦🇫.
We want peace.🙏
ખાસ વાત છે કે, રાશિદ ખાનના આ ટ્વીટ બાદ તાલિબાન શાસનમાં ચિંગારી ઉઠી છે. તાલિબાન રાજ આવ્યા બાદ હવે રાશિદ ખાનનુ ક્રિકેટ ટીમમાં કેપ્ટન તરીકેનુ પદ જઇ શકે છે. જોકે, આની અધિકારીક પુષ્ટી નથી થઇ.
ટ્રેન્ડિંગ સમાચાર
ટોપ સ્ટોરી
