કર્ણાટક પ્રિમિયર લીગે સટ્ટા કંપનીને 2500 કરોડનો ચૂનો લગવાતાં કંપનીએ શું લીધું પગલું, જાણો વિગત

'કર્ણાટક પ્રિમિયર લીગ' ક્રિકેટ ટુર્નામેન્ટના કેટલાક સંચાલકો અને કેટલાક ખેલાડીઓ દ્વારા ખેલાયેલા રૂા.4000 કરોડના સટ્ટામાં બેટફેર. કોમ કંપનીને રૂા.2500 કરોડની ખોટ જતા કંપનીએ બોર્ડ ઓફ કંટ્રોલ ફોર ક્રિકેટ ઇન ઇન્ડિયા (બીસીસીઆઇ) ને જાણ કરી છે જે આધારે હવે બીસીસીઆઇમાં પણ કર્ણાટક પ્રિમિયર લીગ સામે કડક પગલાં લેવાની વિચારણા ચાલુ થઇ હોવાનું જાણવા મળે છે.

બુકીઓના નેટવર્કમાંથી જાણવા મળતી માહિતી પ્રમાણે તાજેતરમાં કર્ણાટક પ્રિમિયર લીગ (કે.પી.એલ.) રમાઈ જેમાં બેંગ્લોર, હુબલી, મૈસુર, બીજાપુર, શિવામોંગા અને બેલ્લારીની ટીમોએ ભાગ લીધો હતો.આ કે.પી.એલ.ક્રિકેટ ટુર્નામેન્ટમાં કર્ણાટક ક્રિકેટ એસોસિએશનના કેટલાક કર્તાહર્તા અને કેટલાક ખેલાડીએ જ ખુદ ભેગા મળીને બેટફેર.કોમ કંપની પર જે ભાવ નક્કી થયા તેના આધારે સટ્ટો રમવાનું નક્કી કર્યું. અને મેચ ફિકસીંગ કરી દેવાઈ.

બેટફેર કંપનીને એકઝાટકે રૂા.2500 કરોડની ખોટ જતા આખરે યુ.કે.ની કંપનીએ તાત્કાલિક અસરથી 'કર્ણાટક પ્રિમિયર લીગ' ને 'બ્લેક લીસ્ટ' કરી દીધી. એટલું જ નહીં ''કર્ણાટક પ્રિમિયર લીગ'' દ્વારા રમાયેલા સટ્ટાને કારણે કર્ણાટક પ્રિમિયર લીગની મેચો તેમજ ખેલાડીઓ પર લગાવવામાં આવતા ભાવ પણ જાહેર કરવાનું તાત્કલિક અસરથી અટકાવી દીધું હતું.

આ મેચમાં 66 પૈસા ભાવફેરથી રૂા.2500 કરોડનો ફાયલે સટોડિઓએ કરી લીધો હોવાનું બહાર આવ્યું છે. મેચફિક્સીંગમાં નક્કી કર્યા પ્રમાણે હુબલી ટાઇગરની ટીમ જીતી ગઇ અને બીનીપૂરની ક્રિકેટ ટીમ હારી ગઇ હતી. જેથી બેટફેર કોમને રૂા.2500 કરોડનું આર્થિક નુકસાન થઇ ગયું હોવાનું જાણવા મળે છે.

તા.16મીના રોજ બંને ટીમ વચ્ચે મેચની શરૂઆતમાં ટોસ જીત્યા બાદ જ્યારે મેચનો પહેલો બોલ નાંખવામાં આવ્યો ત્યાં સુધી બેટફેર કંપનીએ 90 પૈસા ભાવ નક્કી કર્યો અનેકર્ણાટક પ્રિમિયર લીગ'ના મળતિયાઓ દ્વારા અંદાજે રૂા.4000 કરોડ જેવી માતબર રકમનો સટ્ટો રમાયો પણ આ સ્થિતિ જોઇ 'બેટફેર કોમ' ને કરોડોની રકમ ચૂકવવી પડશે તેમ જણાતા મેચનો પહેલો બોલ પડયો અને તુરત જ 24 પૈસા ભાવ ઘટાડી દેવામાં આવ્યો હતો. જેથી સટ્ટાના નિયમ પ્રમાણે 90 પૈસામાંથી 24 પૈસા કપાત કરી 6.6 પૈસા પ્રમાણે તફાવતની રકમ ચુકવવાની બેટફેર કોમને નોબત આવી પડી હતી.

કર્ણાટક પ્રિમિયર લીગ ક્રિકેટ ટુર્નામેન્ટ તા.15મી ઓગષ્ટથી શરૂ થઈ છે અને તે તા.6 સપ્ટેમ્બર સુધી ચાલશે. તા.16ના રોજ હુબલી ટાઈગર અને બીજાપુર વચ્ચેની મેચમાં મેચફિકસીંગ નક્કી કરાઈ કે હુબલી ટાઈગરે જીતી જવાનું અને બીજાપુરની ટીમે હારી જવાનું.

યુકે સ્થિત બેટફેર. કોમ વેબસાઈટ દ્વારા વિશ્વની તમામ અલગ અલગ પ્રકારની રમતો પર સટ્ટો રમાડાય છે. આ કંપની તમામ રમતો અને એ રમત રમનારા ખેલાડીઓનો ભાવ નક્કી કરી વિશ્વ સટ્ટાબજારમાં જાહેર કરે છે. અને તેના ભાવ પ્રમાણે વિશ્વના મોટા સટોડીયાઓ, બુકીઓ બેટ ફેર.કોમ કંપનીના સંચાલકો પાસે રૂા.15 થી રૂા.20 કરોડની ડિપોઝીટ મુકીને તેઓ તેમના હાથ નીચેના બુકીઓને બેટફેર.કોમ કંપનીએ નક્કી કરેલા ભાવ પહોંચાડે અને તેના આધારે બુકીઓ સટ્ટાના શોખીનોને સટ્ટો રમાડતા હોય છે.

નવી દિલ્હી: ક્રિકેટના સટ્ટા બજારની ઈતિહાસમાં સટ્ટાબજારની મુખ્ય કંપનીએ કોઈ પ્રિમિયર લીગ ટુર્નામેન્ટનેબ્લેક લિસ્ટ કર્યાનો પ્રથમવાર કિસ્સો બન્યો છે. યુ.કે.ની બેટફેર. કોમ કંપનીને કર્ણાટક પ્રિમિયર લીગના સંચાલકો અને ખેલાડીઓએ રૂા. 25૦૦ કરોડનો ચૂનો લગાવતા કંપનીએ કર્ણાટક પ્રિમિયર લીગને બ્લેકલીસ્ટ કરી તેના ભાવ જાહેર કરવાનું બંધ કર્યું હોવાની વિગતો બહાર આવતા વિશ્વ સટ્ટા બજારમાં ખળભળાટ મચી ગયો છે.