જીત બાદ વિરાટે પોતાના નામના આગળ 'C' લાગવાને લઇને શું કહ્યું, જાણો વિગતે

સૌથી સફળ કેપ્ટન? આ અમારી પાસે દમદાર ટીમ છે તેના કારણે છે. અમારા બૉલરો શાનદાર છે, શમી, ઇશાંત અને બુમરાહ, જાડેજાએ પોતાનુ બેસ્ટ પ્રદર્શન કર્યુ

નવી દિલ્હીઃ બીજી ટેસ્ટ જીતીને ટીમ ઇન્ડિયાએ વેસ્ટ ઇન્ડિઝ સામેની બન્ને ટેસ્ટ મેચ જીતી લીધી, આ સાથે ભારતીય ટીમે સીરીઝ પર કબજો જમાવ્યો અને સાથે સાથે આઇસીસી વર્લ્ડ ટેસ્ટ ચેમ્પિયનશીપમાં ટૉપનુ સ્થાન હાંસલ કર્યુ છે. જીત બાદ ખુશખુશાલ મુદ્રામાં દેખાયેલા વિરાટે મોટુ નિવેદન આપ્યુ, તેને કહ્યું કે, મારા નામની આગળ 'C' લાગ્યો છે તેનું મહત્વ હુ સમજુ છું. જીત બાદ વિરાટે પોતાનુ નામ લેતા આખી ટીમને શાબાસી આપી, કહ્યું કે, આ જીત આખી ટીમના દમદાર પ્રદર્શનની જીત છે. અમે ચાર દિવસ સુધી સતત સારી ક્રિકેટ રમી, તેનુ પરિણામ અમને મળ્યુ, થોડાક સમય માટે ખરાબ પણ રહ્યું જોકે બાદમાં અમારા છોકરાઓએ બાજી સંભાળી લીધી. કોહલીએ મેચ બાદ કહ્યું. સૌથી સફળ કેપ્ટન? આ અમારી પાસે દમદાર ટીમ છે તેના કારણે છે. અમારા બૉલરો શાનદાર છે, શમી, ઇશાંત અને બુમરાહ, જાડેજાએ પોતાનુ બેસ્ટ પ્રદર્શન કર્યુ. કેપ્ટનશીપનો મતલબ માત્ર તમારા નામની આગળ 'C' લખવાનો છે, પણ ખરેખરમાં આ સામૂહિક પ્રયાસ છે.

ઉલ્લેખનીય છે કે, બીજી ટેસ્ટમાં ભારતીય બેટ્સમેન હનુમા વિહારીના પ્રદર્શનથી ટીમ ઇન્ડિયા ખુશ છે, બીજી ટેસ્ટમાં હનુમા વિહારીને પ્લેયર ઓફ ધ મેચનો એવોર્ડ આપવામાં આવ્યો છે. હનુમાએ પહેલી ઇનિંગમાં સદી 111 રન બનાવ્યા હતા. વળી બીજી ઇનિંગમાં અડધી સદી 53 રને અણનમ રહ્યો હતો. મેચમાં પહેલા બેટિંગ કરવા ઉતરેલી ભારતીય ટીમે પહેલી ઇનિંગમાં 416 રન બનાવ્યા હતા, પહેલી ઇનિંગમાં બેટિંગ કરવા આવેલી કેરેબિયન ટીમ માત્ર 117 રનના સ્કૉરે ઓલઆઉટ થતાં ભારતને જબરદસ્ત લીડ મળી અને ભારતે બીજી ઇનિંગમાં 168 રને દાવ ડિકલેર કરી દીધો હતો. બીજી ઇનિંગમાં વેસ્ટ ઇન્ડિઝને જીતવા માટે ભારતીય ટીમ તરફથી જંગી ટાર્ગેટ એટલે કે 478 રન કરવાના હતા. જોકે, વેસ્ટ ઇન્ડિઝ ટીમ ફરી એકવાર નિષ્ફળ રહી અને માત્ર 210 રને ઓલઆઉટ થઇ ગઇ હતી. આ સાથે જ ભારતીય ટીમે સતત બન્ને ટેસ્ટ મેચો જીતી લીધી હતી. બીજી ટેસ્ટમાં ભારતે વેસ્ટ ઇન્ડિઝને 257 રનથી હાર આપી હતી.