પિંક રંગની બેટની ગ્રીપ અને ગ્લોઝ પહેરી મેદાનમાં ઉતર્યો કોહલી, જાણો કારણ

સિડની ખાતે રમાઇ રહેલી ચોથી ટેસ્ટ મેચમાં બીજી વિકેટ ગુમાવ્યા બાદ કોહલી જ્યારે મેદાન પર આવ્યો ત્યારે તેને જોઇને સૌ કોઇ ચોંકી ઉઠ્યા હતા. કોહલીના બેટની ગ્રીન અને ગ્લોઝ ગુલાબી રંગના હતા. ઉલ્લેખનીય છે કે સિડનીમાં પ્રથમ પિંક ટેસ્ટ 2009માં રમાઇ હતી. આ ટેસ્ટ મેચ ઓસ્ટ્રેલિયા અને દક્ષિણ આફ્રિકા વચ્ચેની હતી. ત્યારથી આ પરંપરા ચાલી આવે છે.

ઓસ્ટ્રેલિયાના પૂર્વ ફાસ્ટ બોલર ગ્લેન મેકગ્રાની પત્ની જેન મેકગ્રાનું મોત સ્તન કેન્સરના કારણે થયું હતું. સિડની ટેસ્ટમાં થનારી કમાણીને ગ્લેન મેકગ્રા ફાઉન્ડેશનને આપી દેવામાં આવશે. આ ફાઉન્ડેશન માટે સિડની ક્રિકેટ ગ્રાઉન્ડમાં નવા વર્ષમાં રમાનારી પ્રથમ મેચમાં તમામને પિંક રંગમાં રંગી દેવામાં આવે છે. જેને કારણે આ ટેસ્ટને પિંક ટેસ્ટ પણ કહેવામાં આવે છે.