Golden Boot FIFA WC 2022: લિયોનેલ મેસ્સી કે Mbappe, કોને મળશે ગોલ્ડન બૂટ? ગોલ સમાન થાય તો કોને મળશે એવોર્ડ?
આજે (18 ડિસેમ્બર) FIFA વર્લ્ડ કપ 2022ની ફાઇનલમાં ફ્રાન્સનો મુકાબલો આર્જેન્ટિના સામે થશે
આજે (18 ડિસેમ્બર) FIFA વર્લ્ડ કપ 2022ની ફાઇનલમાં ફ્રાન્સનો મુકાબલો આર્જેન્ટિના સામે થશે. ફ્રાન્સે મોરોક્કોને હરાવી અને આર્જેન્ટિનાએ ક્રોએશિયાને હરાવી ટાઇટલ મેચમાં પોતાનું સ્થાન નક્કી કર્યું. ફ્રાન્સની ટીમ વર્તમાન ચેમ્પિયન છે અને ત્રીજી વખત ટાઈટલ જીતવાનો પ્રયાસ કરશે. આ સાથે જ લિયોનેલ મેસીની આર્જેન્ટીનાની ટીમ પણ 36 વર્ષથી ચાલી રહેલા દુષ્કાળને ખતમ કરીને ત્રીજી વખત ચેમ્પિયન બનવા ઈચ્છશે. ફાઇનલ મેચ ભારતીય સમય અનુસાર રાત્રે 8.30 વાગ્યાથી દોહાના લુસેલ સ્ટેડિયમમાં રમાશે.
ગોલ્ડન બૂટ માટે મેસ્સી-એમબાપ્પે વચ્ચે જંગ
ફાઈનલ મેચમાં લિયોનેલ મેસ્સી અને કિલીયન એમબાપ્પે વચ્ચે રસપ્રદ જંગ જોવા મળશે. ખાસ વાત એ છે કે મેસ્સી અને Mbappe ફ્રેન્ચ ક્લબ PSG માટે ક્લબ ફૂટબોલ રમે છે પરંતુ હવે બંને આમને-સામને થશે. મેસ્સી અને Mbappeના નામે હાલમાં 5-5 ગોલ છે અને બંને ગોલ્ડન બૂટની રેસમાં પણ સૌથી આગળ છે. ફૂટબોલ વર્લ્ડ કપમાં સૌથી વધુ ગોલ કરનાર ખેલાડીને ગોલ્ડન બૂટ મળે છે. આવી સ્થિતિમાં ચાહકોના મનમાં સવાલ ઉઠતો જ હશે કે જો લિયોનેલ મેસ્સી અને Mbappe સરખા ગોલ ફટકારે છે તો ગોલ્ડન બૂટ કોને મળશે.
શું આ ગોલ્ડન બુટનો નિયમ છે?
જો બે ખેલાડીઓએ સૌથી વધુ ગોલ કર્યા છે, તો તે જોવામાં આવશે કે કયા ખેલાડીએ પેનલ્ટીની મદદથી ઓછા ગોલ કર્યા છે. જો બંને દ્વારા પેનલ્ટી પર કરવામાં આવેલ ગોલ સમાન હોય, તો જેણે ગોલ કરવામાં સૌથી વધુ મદદ કરી હોય તેને એવોર્ડ મળશે. જો બંનેના આસિસ્ટ પણ સમાન હોય તો એવોર્ડ એવા ખેલાડીને આપવામાં આવશે જેણે મેદાન પર સૌથી ઓછો સમય વિતાવ્યો હોય.
હાલમાં Mbappéનો હાથ ઉપર
ઉપરોક્ત નિયમને જોતાં Mbappéનું પલડુ ભારે લાગી રહ્યું છે. કારણ કે મેસ્સીએ તેના પાંચમાંથી ત્રણ ગોલ પેનલ્ટી કિક દ્વારા કર્યા છે. મેસ્સીએ સાઉદી અરેબિયા, નેધરલેન્ડ, ક્રોએશિયા ત્રણેય સામે પેનલ્ટીમાંથી એક-એક ગોલ કર્યો હતો. Mbappe તમામ પાંચ ગોલ આઉટફિલ્ડ મારફતે કર્યા છે. જો એમ્બાપ્પે પોતાની લીડ જાળવી રાખશે તો તે ગોલ્ડન બૂટ જીતનાર પ્રથમ ફ્રેન્ચ ખેલાડી બની જશે. 1958ના વર્લ્ડકપમાં જસ્ટ ફોન્ટેને રેકોર્ડ 13 ગોલ કર્યા હોવા છતાં ગોલ્ડન બૂટ એવોર્ડ આપવાની પ્રથા ત્યારે શરૂ થઈ ન હતી.
આ રેસમાં અલ્વારેઝ-ગિરોડ પણ છે
તમને યાદ અપાવીએ કે ગોલ્ડન બૂટ એવોર્ડની શરૂઆત વર્ષ 1982માં ફૂટબોલ વર્લ્ડ કપમાં કરવામાં આવી હતી. અગાઉ આ એવોર્ડ ગોલ્ડન શૂ તરીકે ઓળખાતો હતો, પરંતુ વર્ષ 2010માં તેને બદલીને ગોલ્ડન બૂટ કરવામાં આવ્યો હતો. ગોલ્ડન બૂટની લડાઈમાં એમબાપ્પે અને મેસ્સી ભલે મોખરે હોય પરંતુ ફ્રાન્સના ઓલિવિયર ગિરોડ અને આર્જેન્ટિનાના જુલિયન અલ્વારેઝ પણ મેદાનમાં છે. અલ્વારેઝ અને ગીરોડે 4-4 ગોલ કર્યા છે.
ટ્રેન્ડિંગ સમાચાર
ટોપ સ્ટોરી
