મહિલા ટી20 વર્લ્ડકપની ફાઇનલની ટિકીટ મેળવવા આવતીકાલે ઇંગ્લેન્ડ સામે ટકરાશે ટીમ ઇન્ડિયા

ભારત અને ઇંગ્લેન્ડ વચ્ચેની સેમિફાઇનલ ભારતીય સમયાનુસાર સાંજે 5.30 કલાકે શરૂ થશે.

મેચનુ ઓનલાઇન સ્ટ્રીમિંગ હૉટસ્ટાર પર થશે.

ભારત અને ઇંગ્લેન્ડ વચ્ચેની સેમિફાઇનલ મેચ જોવા તમે સ્ટાર સ્પોર્ટ્સ 1 (હિન્દી)/HD પર જોઇ શકો છો.

મહિલા ભારતીય ટીમઃ- હરમનપ્રીત કોર (કેપ્ટન), સ્મૃતિ મંધાના, મિતાલી રાજ, જેમિમા રોડ્રિગેઝ, વેદા કૃષ્ણામૃર્તિ, દિપ્તી શર્મા, તાન્યા ભાટિયા, પૂનમ યાદવ, રાધા યાદવ, અનુજા પાટિલ, એકતા બિષ્ટ, ડાયલાન હેમલતા, માનસી જોશી, પૂજા વસ્ત્રકાર, અરુંધતિ રેડ્ડી.

ભારત અને ઇંગ્લેન્ડ વચ્ચે ટૂર્નામેન્ટની બીજી ટી20 સેમિફાઇનલ આવતીકાલે વેસ્ટ ઇન્ડિઝના સર વિવિ રિચાર્ડ્સ સ્ટેડિયમ, નોર્થ સાઉન્ડ, એન્ટીગુઆમાં રમાશે.

નવી દિલ્હીઃ ટી20 વર્લ્ડકપ ટૂર્નામેન્ટમાં અત્યાર સુધી સારુ પ્રદર્શન કરનારી મહિલા ભારતીય ટીમ હવે આવતીકાલે ફાઇનલની ટિકીટ લેવા માટે મેદાનમાં ઉતરશે. આઇસીસી મહિલા ટી20 વર્લ્ડકપમાં ટીમ ઇન્ડિયાએ એકપણ મેચ હાર્યા વિના સેમિફાઇનલમાં પહોંચી છે, અહીં તેને મહિલા દિગ્ગજ ટીમ ઇંગ્લેન્ડ સામે ટકરાવવાનું છે. જોકે, ઇંગ્લેન્ડની ટીમ પણ મહિલા ક્રિકેટમાં સ્ટ્રૉન્ગ મનાય છે, ઇંગ્લેન્ડની ટીમે મહિલા વનડે વર્લ્ડકપની ફાઇનલમાં ભારતીય ટીમને 9 રનથી હરાવ્યુ હતુ. અહીં જાણો ક્યારે-ક્યાં અને કઇ રીતે જોઇ શકાશે ભારત-ઇંગ્લેન્ડની સેમિફાઇનલ....