ચહલે આ ભારતીય ક્રિકેટરની સર્કસમાં કામ કરવાની આપી ઓફર અને પછી....

જણાવી દઈએ કે, અત્યારે પંત ઈંગ્લેન્ડમાં છે. પંત માટે ભારતીય ટેસ્ટ ટીમ તરફથી રમવાનો આ પહેલો પ્રસંગ છે. બીજી તરફ ચહલને ટેસ્ટ સીરીઝમાં ચાન્સ મળ્યો નથી. તે આયર્લેન્ડ અને ઈંગ્લેન્ડ સામેની ટી20 અને વન-ડે સીરીઝમાં રમ્યો હતો.

સોમવારે પંતે ઈન્સ્ટાગ્રામ પર એક વીડિયો શેર કર્યો હતો જેમાં તે કસરત કરતો દેખાઈ રહ્યો હતો. વીડિયો જોઈને ચહલે લખ્યું કે, ‘અપોલો સર્કસમાંથી ઑફર આવી છે ભાઈ, તારો આ વીડિયો જોઈને હા કહી દઉ?’ આના જવાબમાં પંતે લખ્યું કે, ‘હા, જરૂર, પણ હું તારી સાથે જ જઈશ.’ આ જવાબ સાંભળીને ચહલ તરફથી કોઈ જ કૉમેન્ટ આવી નહીં.