સુરતઃ અલ્પેશ કથીરિયા સામે સુરત ક્રાઈમ બ્રાંચે કોર્ટમાં શું કરી અરજી? જાણો વિગત

આ બાબતે પ્રેસ કોન્ફરન્સ કરી પોલીસ કમિશનર સતીષ શર્માએ અલ્પેશ કથીરીયાના જામીન રદ્દ થાય તે માટે કાર્યવાહી કરવાના સ્પષ્ટ સંકેત આપ્યા હતા. આ સંકેત મુજબ ક્રાઇમ બ્રાંચના પોલીસ ઇન્સ્પેકટર જી.પી. પટેલ દ્વારા અલ્પેશ કથીરીયાના જામીન રદ્દ કરવા કોર્ટમાં અરજી કરી હતી. અરજી સાથે ડિજિટલ પુરાવા પણ રજૂ કર્યા છે.

આ ઉપરાંત પોલીસ મથકના લોક-અપમાં પોલીસ ખાતાના ઉચ્ચ અધિકારીઓ અને કર્મચારીઓને બેફામ ગાળો ભાંડી હતી. જેનો વિડીયો સોશિયલ મિડીયામાં વાઇરલ થયો હતો. પોલીસ સાથે ખરાબ વર્તન કરી પોલીસ પ્રત્યે ધિક્કાર અને તિરસ્કારભર્યા શબ્દો ઉચ્ચારતાં પોલીસ કમિશનરે તેની ગંભીર નોંધ લીધી હતી.