‘ટીકટોક’નો પર્યાય બની ગયેલ આ એપ્લિકેશન પર ગુજરાત સિવિલ કોર્ટે લગાવ્યો પ્રતિબંધ, જાણો કેમ

શેરચેટે ગયા વર્ષે મોજ એપ્લિકેશન લોન્ચ કરી કહી. ભારત સરકારે ટિકટોક સહિતની ચીનની એપ્લિકેશન પર પ્રતિબંધ લગાવ્યા બાદ મોજ એપ્લિકેશન ખૂબ લોકપ્રિય થઈ હતી.

એપ્લિકેશનનો સ્ક્રીનશોટ

અમદાવાદઃ ભારત સરકાર દ્વારા પરફોર્મન્સ -શોર્ટ વીડીયો એડીટીંગ અને ડાઉનલોડિંગ એપ્લિકેશન ટિકટોક ને બેન કર્યા પછી, મોજ એપ્લિકેશન ખૂબ જાણીતી થઈ હતી. મોહલ્લાટેક એન્ટરટેઇનમેન્ટ પ્રાઇવેટ લિમિટેડ દ્વારા ઈન્ટરનેટ ઉપર જાણીતી થયેલ મોજ એપ્લિકેશન ઉપર સિવિલ કોર્ટમાં ટ્રેડમાર્ક એક્ટ ના ઉલ્લંઘન થતા દાવો કરવામાં આવેલ છે.

મોજ ગુજરાતી અને અંગ્રેજી ભાષામાં ૨૦૧૮ થી ભાવનગર ના જુગલદીપ લગધીરના નામ પર રજિસ્ટર્ડ હોય, અને તેઓ ગુજરાતમાં અનેક શહેરોમાં ફોલક - ફ્યુઝન મ્યુઝિક કોન્સર્ટ નું આયોજન ૨૦૧૮ થી કરતા હોય, જ્યારે મોજ એપ્લિકેશન ૨૦૨૦ માં લોન્ચ થયા બાદ, ટ્રેડમાર્ક રજીસ્ટ્રેશન બાબતે રજિસ્ટ્રી દ્વારા ઓબ્જેક્શન આવ્યા છતાં પણ મોજ શબ્દ - નામ ઉપયોગ ચાલુ રાખતા, જુગલદીપ લગ્ધિરે અમદાવાદની સિવિલ કોર્ટમાં ટ્રેડમાર્ક શૂટ દાખલ કર્યો હતો.

જેમાં અમદાવાદની સિવિલ કોર્ટના જજ દ્વારા તમામ રેકર્ડ અને પુરાવાઓ ધ્યાને લઇ, મોજ એપ્લિકેશન ગેરકાયદેસર રીતે મોજ ટ્રેડમાર્ક નો ઉપયોગ કરી લોકોના મગજ માં કન્ફ્યુઝન અને ડાઉટ ઊભો કરી, તેમજ મોજ ટ્રેડમાર્ક પહેલાથી જ રજિસ્ટર્ડ હોય, ભવિષ્યમાં આવો આઇડેંટિકલ ટ્રેડમાર્ક યુઝ કરવા ઉપર સ્ટે આપેલ છે.

નોંધનીય છે કે, શેરચેટે ગયા વર્ષે મોજ એપ્લિકેશન લોન્ચ કરી કહી. ભારત સરકારે ટિકટોક સહિતની ચીનની એપ્લિકેશન પર પ્રતિબંધ લગાવ્યા બાદ મોજ એપ્લિકેશન ખૂબ લોકપ્રિય થઈ હતી અને લોકોએ તેને ખૂબ ડાઉનલોડ કરી હતી.

મોજ (Moj) એક ઘરેલુ સોશિયલ મીડિયા પ્લેફોર્મ છે જેની પેરન્ટ કંપની શેરચેટ છે. મોજના ફીચર્સ ટિકટોક જેવા જ છે. તેમાં પણ તમને શોર્ટ વીડિયો બનાવવા, સ્પેશ્યિલ ઇફેક્ટ, સ્ટિકર્સ અને ઇમોશન જેવા ફીચર્સ મળશે.

આ એપ્લિકેશન 15 ભારતીય ભાષાઓમાં છે. તે અંગ્રેજીને સપોર્ટ નથી કરતી. Moj પર તમે 15 સેકન્ડનો વીડોય અપલોડ કરી શકો છો. ખાસ વાત એ છે કે Moj એપમાં તમને લિપ સિકિંગ નું ફીચર પણ મળે છે જે ટિકટોકમાં હતું.