Facebook 20th Anniversary: આજના જ દિવસે 20 વર્ષ પહેલા લૉન્ચ થયું હતુ ફેસબુક, જાણો કઇ રીતે આની શરૂઆત

20 વર્ષ પહેલા 4 ફેબ્રુઆરી, 2024 ના રોજ માર્ક ઝકરબર્ગે હાર્વર્ડ યુનિવર્સિટીમાં અભ્યાસ કરતા તેના ત્રણ મિત્રો સાથે ફેસબુક શરૂ કર્યું

(તસવીર- સોશ્યલ મીડિયા પરથી)

Happy Birthday Facebook: આજના સમયમાં દરેક વ્યક્તિ સ્માર્ટફોન અને સોશિયલ મીડિયા પ્લેટફોર્મનો ઉપયોગ કરે છે. લોકો ઇન્ટરનેટ પર કલાકો વિતાવે છે અને ફેસબુક, ઇન્સ્ટાગ્રામ, સ્નેપચેટ જેવા સોશિયલ મીડિયા પ્લેટફોર્મ દ્વારા તેમના મિત્રો સાથે વાત કરે છે. આ એપ્સમાં સૌથી લોકપ્રિય પ્લેટફોર્મ ફેસબુક એટલે કે મેટાનો આજે જન્મદિવસ છે. આજે ફેસબુક લૉન્ચ થયાને 20 વર્ષ થઈ ગયા છે. ફેસબુક 4 ફેબ્રુઆરી, 2024 ના રોજ લૉન્ચ કરવામાં આવ્યું હતું. આજે આપણે ફેસબુકની સ્થાપના અને તેના ફેરફારો વિશે વિગતવાર ચર્ચા કરીશું.

ક્યારે થઇ હતી ફેસબુકની સ્થાપના - 
20 વર્ષ પહેલા 4 ફેબ્રુઆરી, 2024 ના રોજ માર્ક ઝકરબર્ગે હાર્વર્ડ યુનિવર્સિટીમાં અભ્યાસ કરતા તેના ત્રણ મિત્રો સાથે ફેસબુક શરૂ કર્યું. પછી તેણે દુનિયાને ફ્રેન્ડ્સ અને લાઈક્સની ગણતરી રાખવાનું નવું ગણિત આપ્યું. Facebook ની મદદથી સમગ્ર વિશ્વમાં યૂઝર્સ તેમના જીવનની દરેક પ્રવૃત્તિ અન્ય લોકો સાથે શેર કરે છે. ધીમે ધીમે ઘણા નવા સોશિયલ મીડિયા પ્લેટફોર્મ આવ્યા પરંતુ ફેસબુકનું સ્થાન કોઈ લઈ શક્યું નહીં.

ફેસબુકની સફર - 
માહિતી અનુસાર, જ્યારે ફેસબુક લૉન્ચ કરવામાં આવ્યું હતું, ત્યારે તેનું નામ સૌથી પહેલા ધ ફેસબુક રાખવામાં આવ્યું હતું. આનું કારણ એ છે કે તમે તેમાં ફોટા શેર કરી શકો છો અને તમારા ફ્રેન્ડને ટેગ કરી શકો છો. લૉન્ચ થયાના એક વર્ષથી પણ ઓછા સમયમાં કંપનીએ 10 લાખ લોકોને પોતાના પરિવારનો હિસ્સો બનાવ્યા હતા. પછી માત્ર 9 વર્ષમાં સંખ્યા 1000 ગણી વધી ગઈ. વર્ષ 2012 સુધીમાં ફેસબુકના 1 અબજ યૂઝર્સ થઇ ગયા.

ઇન્ટરનેટને આપી નવી ઓળખ - 
ફેસબુકે ઇન્ટરનેટ અને સોશિયલ મીડિયાને નવી ઓળખ આપી છે. તે લોકોને વ્યક્તિગત અનુભવો આપી રહ્યું હતું અને આવું કરવા માટેનું પ્રથમ પ્લેટફોર્મ હતું. હવે પ્રમોશન માટે ફેસબુકનો ઉપયોગ કરો. 2 અબજ વપરાશકર્તાઓ દરરોજ તેનો ઉપયોગ કરે છે.

ફેસબુકનું બદલવામાં આવ્યું નામ  - 
ફેસબુકના સીઇઓ માર્ક ઝકરબર્ગે વર્ષ 2021માં જાહેરાત કરી હતી કે તેઓ તેમની કંપનીનું નામ બદલીને મેટા પ્લેટફોર્મ ઇન્ક કરી રહ્યા છે. તેણે મેટાને વર્ચ્યૂઅલ એન્વાયરમેન્ટનું સ્વરૂપ આપ્યું છે. નામ બદલવાની સાથે કંપનીએ ફેસબુકનો લોગો પણ બદલ્યો છે. નવા લોગોને ઇનફિનિટી શેપમાં ડિઝાઇન કરવામાં આવ્યો છે. જે સહેજ લંબચોરસ છે, લગભગ Pretzel જેવો છે.