આ દિવસે લોન્ચ થશે Lava Blaze X 5G ફોન, જાણો ભારતીય કંપનીના 'મેડ ઇન ઈન્ડિયા' ફોનની ખાસ બાબતો
Lava Blaze X 5G Launch Date: લાવા કંપની ટૂંક સમયમાં ભારતમાં નવો ફોન લોન્ચ કરવા જઈ રહી છે. તાજેતરમાં આ ફોનની લોન્ચિંગ તારીખ જાહેર કરવામાં આવી છે. આવો અમે તમને આ ફોન વિશે જણાવીએ.
Lava Blaze X 5G Price in India: Lavaનો લેટેસ્ટ Blaze X 5G ફોન ભારતમાં 10 જુલાઈએ લોન્ચ થવા જઈ રહ્યો છે. કંપનીએ માઇક્રો-બ્લોગિંગ સાઇટ X (પૂર્વ ટ્વિટર) પર તેના સત્તાવાર એકાઉન્ટ દ્વારા આની જાહેરાત કરી છે. પોસ્ટમાં આપવામાં આવેલી માહિતી અનુસાર, લોન્ચ ઈવેન્ટનું લાઈવ સ્ટ્રીમિંગ બપોરે 12 વાગ્યાથી શરૂ થશે. આ સિવાય યુઝર્સ Amazon Prime Day સેલમાં જઈને પણ Lava Blaze X 5G સ્માર્ટફોન ખરીદી શકશે. એમેઝોને આ વાતની પુષ્ટિ કરી છે. 10 જુલાઈએ આ ફોનને એમેઝોન પરથી ખરીદી શકાસે. આ ફોનની કિંમત વિશે હજુ સુધી કોઈ સતાવાર જાહેરાત કરવામાં આવી નથી પરંતુ કંપનીના જણાવ્યા અનુસાર આ સૌથી સસ્તો 5G ફોન હોઈ શકે છે.
Lava Blazeની વિશિષ્ટતાઓ શું છે
કંપની દ્વારા બહાર પાડવામાં આવેલા ફોનના ટીઝર અનુસાર, Blaze X 5Gમાં એક સર્ક્યુલર કેમેરા મોડ્યુલ છે, જેમાં ડબલ કેમેરા સેટઅપ છે. અંધારામાં સ્પષ્ટ ચિત્રો લેવા માટે તેમાં 64MP પ્રાથમિક કેમેરા, સેકન્ડરી કેમેરા અને LED ફ્લેશ છે. આ સિવાય કંપનીએ ફ્રન્ટમાં કર્વ્ડ AMOLED ડિસ્પ્લે પેનલ પણ આપી છે.
જો આપણે તેની ગોઠવણી વિશે વાત કરીએ, તો તેમાં 4GB, 6GB અને 8GB રેમ છે. આ સાથે, તે 8GB સુધીની વર્ચ્યુઅલ રેમને પણ સપોર્ટ કરશે. જો આપણે કલર ઓપ્શન્સ વિશે વાત કરીએ તો, કંપનીએ ફોનને બે રંગોમાં લોન્ચ કરવાની યોજના બનાવી છે, જે ગ્રે અને ડાર્ક વાયોલેટ છે. આ સિવાય ફોનમાં તમને USB Type-C પોર્ટ મળશે. ફોનની જમણી બાજુએ, ડિસ્પ્લે પર પાવર બટન, વોલ્યુમ રોકર અને કેન્દ્રિત પંચ હોલ કટઆઉટ છે.
Lava Blaze X 5Gની કિંમત
હાલમાં તેની કિંમત અંગે કંપની દ્વારા કોઈ સત્તાવાર જાહેરાત કરવામાં આવી નથી. જોકે, નિષ્ણાતો માને છે કે લાવા તેના સ્માર્ટફોનને સૌથી સસ્તા 5G ફોન તરીકે લોન્ચ કરી શકે છે. જો આ વાત સાચી સાબિત થશે તો યુઝર્સ ઓછી કિંમતે 5G ફોનનો ઉપયોગ કરી શકશે. આ ફોનની અસલી કિંમત 10 જુલાઈએ લોન્ચ થયા પછી જ ખબર પડશે, પરંતુ એવું માનવામાં આવે છે કે ફોનની શરૂઆતની કિંમત 10,000 રૂપિયાથી ઓછી હોઈ શકે છે. આમ લાવા કંપની સૌથી સસ્તો 5Gફોન લોન્ચ કરી શકે છે.
ટોપ સ્ટોરી
ટ્રેન્ડિંગ સમાચાર
