વડોદરાની બે બ્લડ બેંકની બેદરકારી આવી સામે, 13 દર્દીઓને HIV, હિપેટાઇટીસના ચેપવાળું લોહી ચડાવી દેવાયું

સુરક્તમ્ બ્લડ બેન્કે 5 દર્દીને હિપેટાઇટીસના ચેપવાળું લોહી ચડાવ્યું હતું. આ રિપોર્ટમાં કાનૂની પગલાં લેવાની ભલામણ કરવામાં આવી હોવા છતા વિભાગે લાઇસન્સ રદ કરીને બ્લડ બેન્ક તાકીદે બંધ કરાવવાને બદલે માત્ર શો-કૉઝ નોટિસ ફટકારી કામચલાઉ ધોરણે બંધ કરવાનો આદેશ આપ્યો છે.

આ બંને વિભાગના અધિકારીઓ દ્વારા 25-26 ઑક્ટોબર 2016માં 6 બ્લડ બેન્કનું રૂટીન ઇન્સ્પેક્શન કરાયું હતું, જેમાં ઇન્દુ વોલેન્ટરી અને સુરક્તમ્ બ્લડ બેન્કની બેદરકારી બહાર આવી હતી. બંને બ્લડ બેન્કમાંથી તપાસ કર્યા વિના જ 7 સ્ત્રી અને 8 પુરુષ મળી કુલ 15 દર્દીને એચઆઇવી પૉઝિટિવ, હિપેટાઇટીસ બી અને સી પૉઝિટિવના ચેપવાળું લોહી આપી દેવાયાનો ઉલ્લેખ કરાયો છે.