Ambalal Patel Forecast: કમોસમી વરસાદને લઈ અંબાલાલ પટેલની આગાહી

રાજ્યમાં વાતાવરણમાં આવશે મોટો પલટો.. હવામાન નિષ્ણાત અંબાલાલ પટેલે કરી આગાહી. તેમના જણાવ્યા અનુસાર, હાલ રાજ્યમાં વાદળછાયું વાતાવરણ જોવા મળશે, પરંતુ ભારે વરસાદની શક્યતા નથી. જોકે, વાતાવરણમાં ભેજનું પ્રમાણ વધવાને કારણે સૌરાષ્ટ્ર અને દક્ષિણ ગુજરાતના ભાગોમાં અસહ્ય ઉકળાટ અને ગભરામણ અનુભવાશે. આગામી 5 થી 8 મે દરમિયાન પ્રી-મોન્સૂન જેવી સ્થિતિ સર્જાઈ શકે, જેના કારણે પૂર્વ ગુજરાતના દાહોદ, પંચમહાલ અને મહિસાગર જિલ્લાના કેટલાક વિસ્તારોમાં તેમજ દક્ષિણ ગુજરાતમાં હળવા વરસાદી ઝાપટાં પડી શકે છે. બાદમાં 11 થી 20 મે દરમિયાન કાળઝાળ ગરમી પડશે. મધ્ય ગુજરાત, ઉત્તર ગુજરાત અને સૌરાષ્ટ્રના રાજકોટ, મોરબી તેમજ સુરેન્દ્રનગરમાં તાપમાનનો પારો 43 થી 44 ડિગ્રી સુધી પહોંચવાની શક્યતા, જ્યારે કચ્છમાં તાપમાન 42 ડિગ્રીની આસપાસ રહેશે. 23 મેથી પ્રી-મોન્સૂન એક્ટિવિટી વેગ પકડશે કેમ કે ૨૫ મે થી ૭ જૂન વચ્ચે રોહિણી નક્ષત્ર છે. 25 મે આસપાસ ભારતના દક્ષિણ છેડે ચોમાસું બેસી શકે છે. આ સાથે જ 15 મે થી જૂનની શરૂઆત વચ્ચે અરબી સમુદ્રમાં શક્તિશાળી વાવાઝોડું આવવાની પણ પ્રબળ શક્યતા છે, જેની અસર વાતાવરણ પર જોવા મળશે..