BJP Meeting | આવતી કાલે પાટીલની આગેવાનીમાં ભાજપની બેઠક, બેઠકનું ખૂલ્યું રહસ્ય

આવતી કાલે કેન્દ્રીય જળ શક્તિ મંત્રી અને ગુજરાત પ્રદેશ ભાજપ અધ્યક્ષ સીઆર પાટીલની અધ્યક્ષતામાં બેઠક બોલાવવામાં આવી છે. આ બેઠકને લઈ એબીપી અસ્મિતા પાસે એક્સક્લુઝિવ જાણકારી છે. પ્રદેશ ભાજપની બેઠકના કારણોનું સસ્પેન્સ ખુલ્યું છે. રાજકીય ઉથલ પાથલની ચર્ચાનો છેદ ઉડી ગયો છે. આ બેઠકમાં સદસ્યતા અભિયાનનો રિવ્યુ કરવામાં આવશે. રિવ્યુ બેઠકને લઈ ન માત્ર વર્તમાન ધારાસભ્ય પણ પૂર્વ ધારાસભ્યને પણ બોલાવવા આવ્યા છે. આ ઉપરાંત બેઠકમાં તમામ સાંસદોને પણ ઉપસ્થિત રહેવાની સૂચના આપવામાં આવી છે. સદસ્યતા અભિયાનની રાજ્યના ઝોનલ અને શહેર જિલ્લાના કમિટીના સભ્યો પણ હાજર રહેવાના છે. તો તમામ ધારાસભ્યો, પૂર્વધારા સભ્યો પણ આ બેઠકમાં હાજર રહેશે. તમામ સાંસદોને પણ ઉપસ્થિત રહેવા માટેની સૂચના આપવામાં આવી છે. સદસ્યતા અભિયાનનો રિવ્યુ આ બેઠકમાં કરવામાં આવશે. સદસ્યોની આ બેઠકમાં પાટિલ પણ ઉપસ્થિત રહેવાના છે અને તેમની આગેવાનીમાં બેઠક થશે.