દર્દીનો તાવ એક દિવસમાં ઉતરે એટલે બીજા દિવસથી યોગ કરે ને પછી ચાલવા માંડે પણ એ બધું ના કરવું જોઈએ.......

રાજ્યમાં કોરોના સંક્રમણ ચિંતાજનક વધી રહ્યું છે, જેના પગલે લોકોમાં ભયનો માહોલ પણ છે. ત્યારે કોરોના સંક્રમિત દર્દીએ હોમ આઈસોલેશન દરમિયાન શું શું કાળજી લેવી જોઈએ તેને લઈ ડૉ. તેજસ પટેલે જણાવ્યું હતું કે, જો હ્રદયનું પંપીંગ ખરાબ ના હોય તો પૂષ્કળ પ્રમાણમાં પ્રવાહી લેવું જોઈએ અને આરામ કરવો જોઈએ. ઘણીવાર એવું થાય છે કે, દર્દીને બીજા દિવસે તાવ ઉતરી ગયો હોયને તેના બાદ તે યોગા કે કસરત કરવાનું શરુ કરી દે છે. જે ન કરવું જોઈએ. કોઈ પણ વાયરલ ઈન્ફેક્શનમાં બેઝિક સારવામાં આરામ મહત્વનો હોય છે. એવામાં ડોક્ટર કહે તો જ કસરત કરવી જોઈએ.