Punjab Gurdaspur blackout : આજથી પંજાબના ગુરદાસપુરમાં બ્લેકઆઉટનો આદેશ

Punjab Gurdaspur blackout : આજથી પંજાબના ગુરદાસપુરમાં બ્લેકઆઉટનો આદેશ 

Pakistani army attack India 2025: પાકિસ્તાને ફરી એકવાર ભારત વિરુદ્ધ નાપાક હરકત કરવાનો પ્રયાસ કર્યો છે. પ્રાપ્ત માહિતી મુજબ, પાકિસ્તાને ઉત્તર અને પશ્ચિમ ભારતના લગભગ ૧૫ જેટલા શહેરોમાં આવેલા ભારતીય લશ્કરી ઠેકાણાં પર હુમલો કરવાનો પ્રયાસ કર્યો હતો. જોકે, ભારતની સજ્જતા અને મજબૂત સંરક્ષણ પ્રણાલીના કારણે પાકિસ્તાનનો આ મોટો ષડયંત્ર સંપૂર્ણપણે નિષ્ફળ સાબિત થયો. બીજી તરફ આજથી પંજાબના ગુરદાસપુરમાં બ્લેકઆઉટનો નિર્ણય લેવાયો છે. રાતે 9 વાગ્યાથી સવારે 5 વાગ્યા સુધી બ્લેકઆઉટ રહેેશે. આજથી આગામી આદેશ ન મળે ત્યાં સુધી બ્લેકઆઉટ રહેશે. 

પાકિસ્તાનનો નિષ્ફળ હુમલાનો પ્રયાસ

પાકિસ્તાને જમ્મુ અને કાશ્મીરથી લઈને પંજાબ, રાજસ્થાન અને ગુજરાત સુધીના રાજ્યોમાં આવેલા અનેક મહત્વપૂર્ણ લશ્કરી થાણાઓને નિશાન બનાવવાનો પ્રયાસ કર્યો હતો. અવંતિપુરા, શ્રીનગર, પઠાણકોટ, અમૃતસર, લુધિયાણા અને ગુજરાતના ભૂજ જેવા સંવેદનશીલ સ્થળોએ પાકિસ્તાન દ્વારા ડ્રોન અને મિસાઇલોથી હુમલો કરવાનો પ્રયાસ કરવામાં આવ્યો હતો. પાકિસ્તાનનો ઉદ્દેશ્ય ભારતીય સંરક્ષણ અને સુરક્ષા માટે મોટો ખતરો ઉભો કરવાનો હતો, પરંતુ તેના આ પ્રયાસો સફળ થયા નહીં.