વડોદરાઃ ‘મને સપનામાં માતાજીએ કહ્યુ એટલે હું મગર સાથે વાતચીત કરતો હતો’

વડોદરાના કરજણના તળાવમાં મગરના માથે હાથ ફેરવી તેની સાથે વાતો કરતા એક વ્યક્તિનો વિડિયો વાઈરલ થયો છે. આ વિડિયો જૂના બજાર વિસ્તારમાં આવેલ તળાવનો હોવાનું મનાય છે. આ વ્યક્તિ જીવના જોખમે મગર પર હાથ ફેરવીને તેને નમન કરે છે. જો કે પંકજભાઈ નામનો શખ્સ મગર પાસે જાય છે તે દરમિયાન લોકોને તેમને મગરથી દૂર જવા માટે સમજાવ્યા પરંતુ તેઓ માન્યા નહોતા અને મગરને નમન કરીને તેની પર હાથ ફેરવતા જોવા મળી રહ્યા છે. પંકજભાઇ વિરુદ્ધ વન વિભાગે કેસ દાખલ કર્યો હતો. પંકજભાઇએ કહ્યું કે, મને સપનામાં માતાજીએ કહ્યુ હતુ એટલે હું મગર સાથે વાતચીત કરતો હતો. મગર સાથે વાતચીત કરતામાં મને જરા પણ ડર નથી લાગ્યો. વન વિભાગે મને ઓફિસે બોલાવી મારા પર કેસ કર્યો છે.