Surat માં ફરજ દરમિયાન ફિલ્મી ડાયલોગ પર વીડિયો બનાવનાર મહિલા હોમગાર્ડ સસ્પેન્ડ, જુઓ વીડિયો

સુરતમાં ચાલું ફરજ દરમિયાન ફિલ્મી ડાયલોગ પર વીડિયો બનાવનાર મહિલા હોમગાર્ડને જિલ્લા હોમગાર્ડના અધિકારી દ્વારા આખરી હુકમ ના થાય ત્યાં સુધી સસ્પેન્ડ કરવામાં આવી છે.ચાલું ફરજ દરમિયાન આવુ કૃત્ય કોઈ કર્મચારી કરશે તો કડક કાર્યવાહીની ચીમકી પણ અધિકારી દ્વારા આપવામાં આવી છે. સુરત હોમ ગાર્ડ શાખામાં ફરજ બજાવતી દીપમાલા પાટીલ નામની મહિલા હોમગાર્ડે પોતાની ચાલું ફરજ દરમિયાન આ વીડિયો બનાવ્યો હતો. સસ્પેન્ડ કરતા અગાઉ મહિલા હોમગાર્ડને નોટિસ પાઠવી ખુલાસો માંગવામાં આવ્યો હતો.જેમાં કોઈ સંતોષકારક જવાબ ન મળતા સસ્પેન્ડ કરી દેવામાં આવી હતી.