Surat News: સુરત DEOનો આકરી ગરમીને લઈ મહત્વનો નિર્ણય, તમામ શાળાઓ માટે જાહેર કરી માર્ગદર્શિકા

આકરા તાપ અને હીટવેવની ગંભીરતાને ધ્યાનમાં રાખીને સુરત જિલ્લા શિક્ષણ વિભાગે વિદ્યાર્થીઓના હિતમાં લીધો મહત્વનો નિર્ણય. જિલ્લા શિક્ષણાધિકારી ભગીરથસિંહ પરમારે સાળાઓ માટે કડક માર્ગદર્શિકા જાહેર કરી છે.. હવેી સુરતની તમામ શાળાઓમાં મેદાનમાં થતી પ્રવૃતિઓ પર સંપૂર્ણ પ્રતિબંધ રહેશે. પીટીના પિરિયડ હોય કે અન્ય કોઈ ઈત્તર પ્રવૃતિ, શિક્ષકો વિદ્યાર્થીઓને મેદાનમાં લઈ જઈ શકશે ની. જો કોઈ રમતગમત કે એક્ટિવિટી કરવી હોય તો ફરજિયાતપણે વર્ગખંડની અંદર જ કરવાની રહેશે. જેથી હીટસ્ટ્રોકનું જોખમ ઘટાડી શકાય. સાથે જ કડક ડ્રેસ કોડના બદલે વિદ્યાર્થીઓ આરામદાયક કપડા પહેરે તો તેને પ્રાધાન્ય આપવાની સૂચના અપાઈ છે.. ઉપરાંત રિસેસ કે નાસ્તાના સમયે વિદ્યાર્થીઓને લીંબુ શરબત અથવા છાશ જેવા કુદરતી પીણા પુરા પાડવા, ડીહાઈડ્રેશન ન થાય તે માટે વારંવાર પાણી પીવા માટે પણ વિદ્યાર્થીઓને પ્રોત્સાહિત કરવા પડશે. વર્ગખંડની અંદરનું વાતાવરણ ઠંડુ અને અનુકુળ રહે તે માટે તમામ શાળાઓને કુલિંગ સુવિધાઓ તપાસવા કડક આદેશ આપ્યા છે.. એટલુ જ નહીં.. વિદ્યાર્થીઓને અચાનક ચક્કર આવે, ઉલ્ટીથાય કે હીટસ્ટ્રોકના લક્ષણો દેખાય તો તેના તાત્કાલિક નિવારણ માટે દરેક શાળાાં એક નોડલ ઓફિસરની પણ નિમણૂક કરવામાં આવી છે..