રાજકોટઃ યુવતી પાસેથી 5.5 લાખ રૂપિયાની લૂંટની ઘટનામાં શું આવ્યો ચોંકાવનારો વળાંક? જુઓ વીડિયો

રાજકોટઃ સોની બજારમાં યુવતી પાસેથી થયેલી લૂંટનો ભેદ ઉકેલાઇ ગયો છે. યુવતીએ તેના મિત્ર હાર્દિક વાળાને આર્થિક મદદ કરવા લૂંટનું નાટક કર્યું હતું. મિત્ર હાર્દિકને મદદ કરવા યુવતીના કાકાએ આંગડીયામાં રૂપિયા મોકલ્યા હતા. યુવતી તેના ભાઈ સાથે આંગડિયા પેઢીમાં રૂપિયા લેવા ગઈ હતી. આ પછી બાઇકની ચાવી ખોવાઇ ગયાનું બહાનું કરી ભાઈને ચાવી બનાવવા મોકલ્યો. ભાઈ ચાવી બનાવવા જતા પાછળથી યુવતીએ લૂંટનું નાટક કર્યું હતું. ભાઈ ચાવી બનાવવા જતા યુવતીએ સાડા પાંચ લાખ મિત્રને આપી દીધા હતા. યુવતીએ નાટક કરવા બ્લેડથી પોતાના હાથ પર ચેકા માર્યા હતા.

બાઇકમાં આવેલ બે શખ્સો માર મારી પૈસા લઇ ગયા હોવાની ખોટી વાત ઊભી કરી હતી. પોલીસે શંકાને આધારે યુવતીની પૂછપરછ કરતા યુવતીએ નાટક કર્યું હોવાનું કબુલ્યું હતું. પોતાના મિત્ર હાર્દીક વાળાને આર્થિક મદદ કરવા નાટક કર્યું હોવાની કબૂલાત કરી લીધી છે. પોલીસે હાર્દિક વાળાની પણ ધરપકડ કરી છે.