અમેરિકામાં ટેક્સાસમાં ચર્ચ પર હુમલો, ગોળીબારમાં 26ના મોત

પ્રત્યક્ષદર્શી અનુસાર એક અજ્ઞાત હુમલાખોરે આડેધડ ગોળીબાર કરતાં ચર્ચમાં ઘુસી ગયો અને ત્યાં પ્રાર્થના કરી રહેલા લોકો પર ગોળીઓ વરસાવવા લાગ્યો. વિતેલા એક સપ્તાહની અંદર અમેરિકામાં આ ત્રીજો મોટો હુમલો છે. જોકે અત્યાર સુધી આ હુમલાની જવાબદારી કોઈ આતંકી સંગઠને લીધી નથી.

રાષ્ટ્રપતિ ડોનાલ્ડ ટ્રમ્પ હાલમાં પૂર્વ એશિયાના પ્રવાસ પર છે. ટ્રમ્પે ટ્વીટ કરીને જણાવ્યું કે, તેઓ જાપાનથી સ્થિતિ પર નજર રાખી રહ્યા છે. ટ્રમ્પે ટ્વિટ કર્યું, ‘ટેક્સાસના ચર્ચમાં થયેલ હુમલામાં મરનારા લોકોની આત્માને ભગવાન શાંતિ આપે. ઘટનાસ્થળ પર એફબીઆઈ અને અન્ય અધિકારી પહોંચી ગયા છે. હું જાપાનમાં છું પરંતુ મારી નજર આ મામલે છે.’