હોલીવુડના ક્યા ટોચના ડિરેક્ટરે એન્જેલિના જોલી સાથે હોટલમાં સેક્સ માણવાની કોશિશ કરેલી ?

ડિરેક્ટર હાર્વે વેઈનસ્ટેઈન પોતાની પત્ની સાથે

હાર્વે પર આરોપ લગાવનારી એક્ટ્રેસમાં એશ્લી જુડ, રોઝ મેકગોવન, અને એન્જેલિના જોલી સહિતની એક્ટ્રેસનો સમાવેશ થાય છે. એક્ટ્રેસ જોલીએ સ્વીકાર્યું હતું કે, હાર્વેએ તેની સાથે હોટલમાં સેક્સ માણવાનો પ્રયાસ કર્યો હતો. જોલીના કહેવા પ્રમાણે, હાર્વેની આ હરકતનો તેણે સાફ ઇનકાર કર્યો હતો.

હાર્વેએ જેમની સાથે સેક્સ માણ્યું તેમાં હોલીવુડની ઘણી ટોચની અભિનેત્રી પણ સામેલ હોવાનું મનાય છે. 'શેક્સપિયર ઇન લવ' માટે ઓસ્કર એવોર્ડ જીતનારા હાર્વેએ ને હોલિવૂડ સુપરસ્ટાર મેરીલ સ્ટ્રિપ, નિકોલ કિડમેન તથા ગ્વેનેથ પેટ્રો જેવી એક્ટ્રેસ સાથે ગાઢ સંબંધ રહ્યા છે. આ અભિનેત્રીઓએ આ મુદ્દે મૌન સેવ્યું છે.

ન્યૂયોર્ક ટાઇમ્સે વર્ષ 2015માં ઇટાલિયન મોડલ અને હાર્વે વચ્ચે થયેલી વાતચીતને જાહેર કરી હતી જેમાં હાર્વે ઇટાલિયન મોડલને સેક્સ માટે દબાણ કરતો સાંભળી શકાય છે. હાર્વે પર અનેક એક્ટ્રેસે જાતીય શોષણના આરોપ લગાવ્યા બાદ જોલીએ પ્રથમવાર મૌન તોડ્યું હતું.

જોલીએ કહ્યું કે, 1990ના દાયકામાં પ્લેઇંગ બાય હાર્ટ ફિલ્મના રીલિઝ દરમિયાન હાર્વેએ હોટલમાં જબરદસ્તી કરવાનો પ્રયાસ કર્યો હતો. ન્યૂયોર્ક ટાઇમ્સ સાથેની વાતચીતમાં જોલીએ જણાવ્યુ હતું કે, મારી જવાનીમાં મને હાર્વેનો ખરાબ અનુભવ થયો હતો. ત્યારબાદ મે ક્યારેય હાર્વે સાથે કામ કર્યું નથી. મહિલા સાથે આ પ્રકારનું વર્તન કોઇ પણ ફિલ્ડ અને દેશમાં સ્વીકાર્ય નથી.

વોશિંગ્ટનઃ હોલિવૂડના એક ટોચના ડિરેક્ટરનું સેક્સ કૌભાંડ બહાર આવતાં ખળભળાટ મચ્યો છે. ઓસ્કાર વિજેતા ડિરેક્ટર હાર્વે વેઈનસ્ટેઈન પર હોલિવૂડની અનેક ટોચની એક્ટ્રેસે જબરદસ્તીપૂર્વક સેક્સ માણવાનો આરોપ લગાવ્યો હતો. એક એક્ટ્રેસે આરોપ લગાવ્યો હતો કે હાર્વે વેઈનસ્ટેઈને ફિલ્મમાં રોલના બદલામાં સેક્સ માણવાની ફરજ પાડી હતી. આ વિવાદ બહાર આવ્યા બાદ હાર્વેની ફેશન ડિઝાઇનર વાઇફ જ્યોર્જીના ચેપમેને અલગ થવાનો નિર્ણય લીધો હતો.