વ્હાઈટ હાઉસની પ્રેસ સેક્રેટરી કૈરોલિન લેવિટ છોડશે પદ, અમેરિકાના રાષ્ટ્રપતિ ટ્રમ્પે કરી જાહેરાત

અમેરિકાના રાષ્ટ્રપતિ ડોનાલ્ડ ટ્રમ્પે બુધવારે જાહેરાત કરી હતી કે વ્હાઇટ હાઉસના પ્રેસ સેક્રેટરી  કૈરોલિન લેવિટ મહિનાના અંતમાં રાજીનામું આપશે.

વ્હાઇટ હાઉસના પ્રેસ સેક્રેટરી  કૈરોલિન લેવિટ મહિનાના અંતમાં રાજીનામું આપશે

Source : X

Show Quick Read

Key points generated by AI, verified by newsroom

• ડોનાલ્ડ ટ્રમ્પે પ્રેસ સેક્રેટરી કૈરોલિન લેવિટના રાજીનામાની જાહેરાત કરી.
• લેવિટ પરિવાર સાથે વધુ સમય વિતાવવા પદ છોડશે, ટ્રમ્પે જણાવ્યું.
• ટ્રમ્પે લેવિટની પ્રશંસા કરી, તેઓ ટોચના સલાહકાર રહેશે.
• લેવિટે વ્હાઇટ હાઉસમાં સેવા આપવા બદલ કૃતજ્ઞતા વ્યક્ત કરી.

અમેરિકાના રાષ્ટ્રપતિ ડોનાલ્ડ ટ્રમ્પે બુધવારે જાહેરાત કરી હતી કે વ્હાઇટ હાઉસના પ્રેસ સેક્રેટરી  કૈરોલિન લેવિટ મહિનાના અંતમાં રાજીનામું આપશે. ટ્રમ્પે તેમને તેમના સૌથી વિશ્વસનીય સહાયકોમાંના એક ગણાવ્યા હતા. 28 વર્ષીય લેવિટ અમેરિકાના રાષ્ટ્રપતિના ટોચના પ્રવક્તા બનનારા સૌથી નાની વયના વ્યક્તિ છે. તેમને ટ્રમ્પના કટ્ટર સમર્થક માનવામાં આવે છે અને તેઓ પત્રકારોને તેમના તીખા જવાબો આપવા માટે જાણીતા છે.

ટ્રમ્પે સોશિયલ મીડિયા પર લખ્યું હતું કે અમારા અદ્ભૂત વ્હાઇટ હાઉસ પ્રેસ સેક્રેટરી અને મારા સૌથી વિશ્વસનીય સહાયકોમાંના એક કૈરોલિન લેવિટ મહિનાના અંતમાં તેમના નાના બાળકો અને પરિવાર સાથે વધુ સમય વિતાવવા માટે પદ છોડશે. કૈરોલિન હવે મારા ટોચના બાહ્ય સલાહકારોમાંના એક રહેશે અને રિપબ્લિકન પાર્ટીમાં પ્રભાવશાળી અવાજ બની રહેશે.

લેવિટે પણ સોશિયલ મીડિયા પર કહ્યું હતું કે રાષ્ટ્રપતિ દ્ધારા તેમને વ્હાઇટ હાઉસના પ્લેટફોર્મ પરથી તેમની તરફથી બોલવાનું સૌભાગ્ય આપવા માટે તેઓ આભારી છે. તેમણે લખ્યું હતું કે  તેમણે લિબરલ મીડિયાને જવાબદાર ઠેરવવામાં અને ટ્રમ્પની સફળતાઓ વિશે સત્ય અમેરિકન જનતા સમક્ષ લાવવામાં આનંદ થયો.

Serving as the White House Press Secretary over the past year and a half has been the honor and adventure of a lifetime. I am incredibly grateful to President Trump for granting me so many extraordinary opportunities, such as working in the West Wing and spending countless hours… https://t.co/4jyW61DGGh pic.twitter.com/xny1yccuBn

— Karoline Leavitt (@karolineleavitt) August 12, 2026

લેવિટે મે મહિનામાં તેમના બીજા બાળક પુત્રી વિવિયાનાને જન્મ આપ્યો હતો. અગાઉ ટ્રમ્પ પર કથિત હત્યાના પ્રયાસ બાદ તેમણે તેમની મેટરનિટી લીવ મુલતવી રાખી હતી. તેમના રાજીનામાની જાહેરાત એવા સમયે આવી છે જ્યારે ટ્રમ્પની લોકપ્રિયતા સતત ઘટી રહી છે અને રિપબ્લિકન પાર્ટી નવેમ્બરની મધ્યસત્ર ચૂંટણીમાં પડકારોનો સામનો કરી રહી છે. સોશિયલ મીડિયા પ્લેટફોર્મ X પર એક પોસ્ટ શેર કરતા કૈરોલિન લેવિટે પદ છોડવાના તેમના નિર્ણયને કડવો-મીઠો અનુભવ ગણાવ્યો. લેવિટે લખ્યું છે કે છેલ્લા દોઢ વર્ષથી વ્હાઇટ હાઉસના પ્રેસ સેક્રેટરી તરીકે સેવા આપવી એ તેમના જીવનનો સૌથી મોટો સન્માન અને રોમાંચ રહ્યો છે. તેમણે ઓવલ ઓફિસમાં વિતાવેલો સમય વિશ્વભરમાં તેમની યાત્રાઓ અને રાષ્ટ્રપતિ ટ્રમ્પનો સંદેશ જનતા સુધી પહોંચાડવાની તક બદલ કૃતજ્ઞતા વ્યક્ત કરી.

White House Press Secretary Karoline Leavitt, who earned a reputation for acid putdowns of journalists, is to step down, President Donald Trump announced Wednesday adding she would remain a senior advisor. https://t.co/x5W85PzDPL pic.twitter.com/SEhNGVsqQK

— AFP News Agency (@AFP) August 12, 2026

પુત્રીના જન્મ પછી કામ પર પાછા ફરવાનો ઉલ્લેખ કરતા લેવિટે કહ્યું હતું કે વિશ્વના સૌથી મુશ્કેલ પદોમાંના એકમાં સેવા આપતી વખતે બાળકનું સ્વાગત કરવું એ ખૂબ જ માનનીય, છતાં પડકારજનક સમય રહ્યો છે. તેમણે જણાવ્યું હતું કે વ્હાઇટ હાઉસના પ્રેસ સેક્રેટરી તરીકે સમય, શક્તિ અને ધ્યાનની સતત પ્રતિબદ્ધતાએ તેમને તેમના બે બાળકો માટે શ્રેષ્ઠ માતા બનવાથી અટકાવ્યા, જેના કારણે તેમને આ મુશ્કેલ નિર્ણય લેવામાં આવ્યો.

#BREAKING: Trump announces spokesperson Karoline Leavitt will leave role pic.twitter.com/Bfi303o3Qq

— AFP News Agency (@AFP) August 12, 2026

આ દરમિયાન, રાષ્ટ્રપતિ ટ્રમ્પે તેમના ટ્રુથઆઉટ સોશિયલ મીડિયા એકાઉન્ટ પર લેવિટના નિર્ણયને ટેકો આપ્યો. ટ્રમ્પે લખ્યું કે કૈરોલિન તેમના સૌથી વિશ્વસનીય સહાયકોમાંના એક રહ્યા છે અને તેઓ તેમના પરિવારને સમય આપવાના તેમના નિર્ણયનું સંપૂર્ણ સન્માન કરે છે. ટ્રમ્પે કહ્યું કે કૈરોલિન 2018 થી 2024માં તેમના ઐતિહાસિક પુનઃચૂંટણી અભિયાન સુધી સ્વતંત્રતા અને ન્યાય માટે જબરદસ્ત કામ કર્યું છે. તેમણે લેવિટને ઇતિહાસના શ્રેષ્ઠ પ્રેસ સચિવોમાંના એક ગણાવ્યા હતા.