Farming Technique: ખેડૂતો માટે ખુશખબર ! ગણતરીની મિનિટોમાં જ થઈ જશે અસલી-નકલી બિયારણની ઓળખ, અપનાવો આ રીત

Digital Kisan App: મીડિયા રિપોર્ટ્સ અનુસાર, ભારતમાં ખેડૂતોને ખરાબ અને નીચી ગુણવત્તાવાળા બિયારણના ઉપયોગને કારણે વધુ નુકસાન થાય છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

Mobile App for Identification of Seeds: ખેતીને ભારતીય અર્થતંત્રનું જીવન કહેવામાં આવે છે, જ્યાં ખેડૂતો સખત મહેનત કરે છે અને ફળો, ફૂલો, શાકભાજી તથા અનાજ ઉગાડે છે. જે સમગ્ર ભારતની જરૂરિયાતોને પૂર્ણ કરે છે, પરંતુ ધીમે ધીમે કૃષિનું સ્વરૂપ બદલાઈ રહ્યું છે. ખેતીમાં જોખમો પણ દિવસેને દિવસે વધી રહ્યા છે, જેના કારણે ખેડૂતોને ભારે હાલાકી ભોગવવી પડી રહી છે. મીડિયા રિપોર્ટ્સ અનુસાર, ભારતમાં ખેડૂતોને ખરાબ અને નીચી ગુણવત્તાવાળા બિયારણના ઉપયોગને કારણે વધુ નુકસાન થાય છે, જેના કારણે પાકમાં જીવાત-રોગની શક્યતા રહે છે, સાથે જ ઉત્પાદનની ગુણવત્તામાં પણ ઘટાડો થાય છે.

ઘણા ખેડૂતો અશિક્ષિત હોવાને કારણે અસલી અને નકલી બિયારણ વચ્ચેનો તફાવત પારખી શકતા નથી અને પરિણામે તેમને નુકસાન વેઠવું પડે છે. આ સમસ્યાનો ઉકેલ લઈને, ડિજિટલ કિસાન મોબાઈલ એપ (Digital Kisan, Haryana Mobile Application) લોન્ચ કરવામાં આવી છે, જેના દ્વારા થોડીવારમાં અસલી-નકલી બિયારણને ઓળખી શકાય છે.

ડિજિટલ કિસાન એપ

ડિજિટલ કિસાન એપનું પૂરું નામ ડિજિટલ કિસાન હરિયાણા મોબાઈલ એપ્લિકેશન છે, જે ખેડૂતોને હવામાનની માહિતી, સફળતાની વાર્તાઓ, કૃષિ તકનીકો, નિષ્ણાતોના અભિપ્રાય, કૃષિ યોજનાઓ, અસલી અને નકલી બિયારણોની માહિતી આપે છે. આ એપ ખેડૂતોને માત્ર રૂટિન વર્ક કરવામાં જ મદદ કરે છે, પરંતુ થોડી મિનિટોમાં બિયારણ વિશેની માહિતી આપવાની તેની વિશેષતા અદ્ભુત છે, જે માત્ર 1 મિનિટમાં બિયારણની ગુણવત્તા અને ઉપજની સાથે ઉત્પાદક કંપનીની કુંડળી પણ ખોલી શકે છે.  

આ રીતે અસલી અને નકલી બીજની કરો ઓળખ

• બીજ ઉત્પાદક કંપનીઓ બીજના પેકેટ પર QR કોડ લગાવે છે. આ QR કોડ સ્કેન કરીને ખેડૂતો બિયારણની ગુણવત્તા ચકાસી શકે છે. ડિજિટલ કિસાન, હરિયાણા એપ આ કામમાં ખેડૂતને મદદ કરે છે.
• આ સુવિધા માટે પહેલા ગૂગલ પ્લે સ્ટોર પરથી ડિજિટલ કિસાન, હરિયાણા એપ્લિકેશન ડાઉનલોડ અને ઇન્સ્ટોલ કરો.
• આ પછી ગુણવત્તા તપાસના વિકલ્પ પર ક્લિક કરો અને QR કોડ પસંદ કરો.
• ડિજિટલ કિસાન એપના સ્કેનર વડે બીજના પેકેટ પર છપાયેલ QR કોડ સ્કેન કરો, ત્યારબાદ સ્ક્રીન પર બિયારણની ગુણવત્તાની વિગતો ખુલશે.
• જે ખેડૂતો પાસે સ્માર્ટ ફોન નથી તેઓ પણ સાદા ફોન દ્વારા બિયારણની ગુણવત્તા ચકાસી શકે છે.
• આ માટે, બીજના પેકેટ પર છપાયેલ બારકોડને નિર્દિષ્ટ નંબર પર SMS મોકલીને ચેક કરી શકાય છે.
• જો પાકનું બિયારણ નકલી જણાશે તો બિયારણની દુકાન અથવા તે બિયારણ વેચનાર અને કંપની સામે પણ કાર્યવાહી થઈ શકે છે.
• આટલું જ નહીં બિયારણ બનાવતી કંપનીઓ પેકેટ પર બારકોડ અને સ્કેન કોડ ન મૂકે તો પણ તેમને રોકી શકાય છે.

આ એપ માત્ર હરિયાણાના ખેડૂતો માટે જ છે.

Disclaimer: અહીં આપવામાં આવેલી મહિતી કેટલાક મીડિયા રિપોર્ટ્સ અને જાણકારી પર આધારિત છે. ABPLive.com કોઈપણ પ્રકારની જાણકારીની પુષ્ટિ કરતું નથી. કોઈપણ માહિતીનો અમલ કરતાં પહેલા સંબંધિત વિશેષત્રની સલાહ લો.

આ પણ વાંચોઃ